Радев: Без Бугари во устав нема да има започнување на преговори за С.Македонија во ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Радев: Без Бугари во устав нема да има започнување на преговори за С.Македонија во ЕУ

29 април 2025

• од Вардарски

Бугарија нема да прави никакви отстапки кон Република Северна Македонија за да започнат преговорите за членство во Европската Унија, порача бугарскиот претседател Румен Радев за време на неговата посета во Варшава.

Радев изрази очекување дека властите во Скопје ќе покажат државничка одговорност и конечно ќе ги исполнат договорените обврски, меѓу кои и измените на Уставот, што е предуслов за напредок кон отворање на пристапните преговори со Брисел. Во разговор со претседателот на Европскиот совет, Антониу Кошта, Радев нагласи:

„Во мојот речник во однос на Република Северна Македонија не постои зборот отстапка. Разбирам дека Европскиот совет сака побрза интеграција на Западниот Балкан, особено во контекст на геополитичките турбуленции, но оваа интеграција мора да биде необратлива и да се базира на почитување на демократските принципи и копенхагенските критериуми за членство“, рече Радев.

Тој потсети дека Северна Македонија има конкретни обврски дефинирани во преговарачката рамка и придружните протоколи, и тие мора да бидат целосно исполнети.

Во врска со изјавата на македонскиот министер за транспорт за изградба на железничка линија кон Бугарија, Радев додаде:

„Бугарија активно ја реализира својата обврска. Очекувам проблемите во Северна Македонија со владеењето на правото, борбата против корупцијата и потребните реформи да не се прикриваат зад обвиненија дека Бугарија пречи. Не, ние не пречиме, напротив, подготвени сме да помогнеме, но реформите мора да се спроведат.“

Во однос на Украина, бугарскиот претседател изрази надеж дека мировните преговори ќе се забрзаат:

„Се надевам дека наскоро ќе видиме реална визија на Европа за мир, а не само за продолжување на војната.“

Радев нагласи дека само економски силна и социјално стабилна Европска Унија може да ја гарантира својата безбедност. Тој учествуваше на иницијативата „Три мориња“ во Варшава и пред новинарите истакна:

„Воените конфликти ја истакнаа безбедноста како приоритет, но не смееме да го заборавиме значењето на поврзаноста и конкурентноста, кои се исто толку важни за иднината на ЕУ колку и превооружувањето.“

Иницијативата „Три мориња“, која обединува земји меѓу Балтичкото, Јадранското и Црното Море, според Радев е од особено значење за Бугарија. Тој информира дека преку оваа иницијатива се реализираат две големи инвестиции во вредност од околу 200 милиони евра – десетпати повеќе од националниот бугарски влог во Инвестицискиот фонд. Станува збор за модернизација и проширување на пристаништето Бургас и вложување во обновливи енергетски извори.