Радиоактивен облак над Битола: Обвинителството истражува загадување од РЕК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Радиоактивен облак над Битола: Обвинителството истражува загадување од РЕК

22 април 2025

• од Вардарски

По бурните реакции на граѓаните и бројните објави на социјалните мрежи за огромен облак прашина што се издигнува од РЕК Битола, надлежните институции конечно презедоа активности. Основното јавно обвинителство (ОЈО) Битола отвори предмет и започна истрага за евентуално загадување на животната средина, поврзано со несоодветното одлагање на токсична и радиоактивна пепел на депонијата во кругот на комбинатот.

Според соопштението на ОЈО Битола, издадена е наредба до Секторот за внатрешни работи Битола да изврши увид на лице место и да утврди дали има основи за покренување постапка за кривично дело што се гони по службена должност. Истовремено, беше побарано и вонреден инспекциски надзор од Државниот инспекторат за животна средина.

Инспекцискиот надзор утврдил сериозни пропусти во спроведувањето на мерките за спречување и намалување на емисијата на прашина од пепелта. Станува збор за пепел што настанува како нуспроизвод при производство на електрична енергија, која според протоколите треба да се складира во касети и да се покрива со земја, за да не се шири преку воздухот – особено при ветровито време. Сепак, во пракса, овие мерки не биле доследно применети, поради што прашината се разнесувала и била видлива и од самата Битола.

Во одговор на прашање од Телма пред еден месец, РЕК Битола тврдеше дека се почитуваат сите процедури за депонирање на пепелта. Но, сега потврдуваат дека Инспекторатот навистина констатирал неправилности. При увидот на 26 март било утврдено присуство на поголеми количини пепел од дозволените согласно Главниот рударски проект.

На РЕК Битола му е издадено задолжение, во рок од 30 дена да ги одложи количините на пепел во соодветни касети и да ги покрие со земја. Од компанијата информираат дека веќе се отстранети повеќе од половина од неправилно депонираната пепел и дека активно се работи на отстранување на преостанатите количества.

Дополнително, до крајот на април РЕК Битола има обврска да изврши мерења на амбиенталниот воздух околу депонијата за пепел. Резултатите од мерењата, заедно со целиот извештај од инспекцискиот надзор, ќе бидат доставени до Обвинителството, кое потоа ќе одлучи за натамошниот тек на постапката.

Останува да се види дали и каква одговорност ќе сносат надлежните за овој потенцијално сериозен еколошки инцидент, кој ја загрижува јавноста и уште еднаш го поставува прашањето за (не)контролираното загадување од РЕК Битола.