Рама: Албанците во Северна Македонија се државотворен народ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Рама: Албанците во Северна Македонија се државотворен народ

15 април 2026

• од Стефан Николов

Премиерот на Албанија, Еди Рама, во своето обраќање на 4-от Самит на дијаспората ја нагласи улогата на Албанците кои живеат надвор од земјата и во регионот во градењето на иднината на нацијата.

Рама истакна дека иднината на Албанија не се пишува само во Тирана, туку и во секоја земја каде што живеат и работат Албанци, посочувајќи ги градовите како Рим, Атина, Лондон, Цирих, Њујорк и Берлин. Тој подвлече дека придонесот на дијаспората е од суштинско значење за развојот на државата и нејзината европска перспектива.

Шефот на албанската влада посвети посебно внимание на Албанците во регионот, почнувајќи од Косово, кое го опиша како друга независна држава на Албанците.

Осврнувајќи се на Северна Македонија, Рама нагласи дека Албанците таму се клучен фактор во државата, потенцирајќи дека тие се „државотворен народ на соседната и пријателска Република“. Тој додаде дека оваа реалност не треба да биде заборавена и претставува важна основа за соживотот и развојот на земјата.

„Иднината на Албанија не се пишува само во Тирана, туку и во Рим, Атина, Лондон, Цирих, Њујорк, Берлин, на секое место каде што Албанците живеат, работат и сонуваат. Но иднината на Албанија се пишува и секаде каде што Албанците живеат околу границите на Албанија, почнувајќи од другата независна држава на Албанците – Косово, па продолжувајќи со Албанците во Северна Македонија, кои никој не треба да заборави дека се државотворен народ на соседната и пријателска Република, како и со Албанците во Црна Гора и на други места“, изјави Рама.

Тој ги спомена и Албанците во Црна Гора и во други региони, нагласувајќи дека без оглед каде живеат, тие се дел од истиот идентитет и придонесуваат за зајакнување на националните врски.

Според Рама, преминот „од дистанца кон блискост и од чувства кон стратегија“ е клучен за изградба на поодржлива иднина, во која Албанците, и внатре и надвор од границите, ќе имаат заедничка улога во економскиот и политичкиот развој.