„Раст на платите“ на хартија, сиромаштија во реалноста: Македонија живее во економска бездна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Раст на платите“ на хартија, сиромаштија во реалноста: Македонија живее во економска бездна

31 август 2025

• од Станча Јаќимовски

Иако власта триумфално го прогласува „растот на реалната плата“ за свој најголем економски успех, секојдневието на македонските работници сведочи за една сосема поинаква – црна реалност. Според официјални податоци, една третина од работниците во државата преживуваат под прагот на сиромаштија, а најголем дел од народот едвај составува крај со крај.

Сиромаштија зад статистиките

Пратеникот на ДПМНЕ, Бојан Стојаноски, со гордост изјавува дека во првата година од владеењето на неговата партија реалната плата пораснала за 6,7%, а инфлацијата се „стабилизирала“ на 3,6%. Но, зад овие бројки се крие поразителна вистина: од 509.960 работници, дури 374.045, односно 73,3%, примаат плата пониска од просечната.

Уште пострашно – 169.082 луѓе, или секој трет вработен, живее со помалку од 30.000 денари месечно. Тоа е двојно пониска сума од синдикалната минимална кошница, која во август 2025 година достигна дури 65.507 денари. Со други зборови, стотици илјади семејства секој месец се осудени на глад, долгови и преживување во услови недостојни за 21 век.

„Стабилизирана инфлација“ само на хартија

Владата се повикува на „средена инфлација“, но во реалноста цените на храната, енергенсите и кириите се зголемени за 30 до 40% во последните пет години. Просечниот граѓанин тоа го чувствува секој ден кога влегува во маркет, кога плаќа сметки или кога на крајот на месецот брои дали ќе остане и денар за лекови или за книгите на децата.

Она што ДПМНЕ го нарекува економски успех, народот го чувствува како секојдневна борба за преживување. „Стабилизирана инфлација“ постои единствено во владините извештаи, додека вистинската економска слика е осиромашување, неизвесност и тивка економска катастрофа.

Политика за богатите, сиромаштија за мнозинството

Опозициската Левица предупредува дека политиката на ДПМНЕ е политика на заштита на привилегиите на малцинството. Богатите стануваат уште побогати, додека обичните работници се туркаат сѐ подлабоко во сиромаштија.

Наместо козметички статистики и празни ветувања, потребни се итни и конкретни мерки: контрола на цените на основните производи, минимална плата од најмалку 500 евра, зајакнување на социјалната заштита и целосна транспарентност во монетарната и фискалната политика.

Македонија на раб на бездна

Додека власта се самофали, реалноста е дека илјадници семејства секој месец мораат да избираат дали парите ќе ги потрошат за храна или за сметки. Државата се движи по раб на економска бездна, а надежта за подобар живот за мнозинството граѓани исчезнува.

Се поставува прашањето: колку уште ќе трае оваа лага за „економски раст“ и дали граѓаните ќе издржат да ја плаќаат цената на статистичките игри на политичките елити?