Родителите на загинатите во Кочани до Љупчо Златев: Ние не сме „руља“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Родителите на загинатите во Кочани до Љупчо Златев: Ние не сме „руља“

02 јануари 2026

• од Станча Јаќимовски

Здружението на граѓани „16ти Март 2025“, кое ги обединува родителите чии деца загинаа во трагедијата во Кочани, преку својот официјален фејсбук-профил објави остар јавен став во врска со настапот на новинарот Љупчо Златев.

Во објавениот статус, Здружението изразува длабоко незадоволство од, како што наведуваат, манипулативниот однос кон трагедијата и користењето на смртта на децата за оправдување на институционалното работење, наместо за отворање прашања за одговорност и системски пропусти.

„Наместо сочувство и емпатија кон жртвите, се релативизира одговорноста и се величи власта. Родителите што бараат вистина и неселективна правда не се руља, ниту граѓаните што бараат безбедност и крај на корупцијата“, се наведува во ставот.

Од Здружението порачуваат дека барањето ред, безбедност и одговорност не претставува радикализам, туку, како што велат, „минимум цивилизациска норма“. Во објавата се прави и јасна дистинкција помеѓу граѓанската реакција и, како што ја нарекуваат, вистинската „руља“ во општеството – корупцијата, нефункционалните институции, партизираните кадри и системската негрижа.

Посебно остар дел од реакцијата се однесува на причините за трагедијата во Кочани, за која Здружението наведува дека не станува збор за „несреќа“, туку за резултат на долгогодишна корупција, институционален распад и отсуство на контрола и одговорност.

„Ова не е лов на вештерки, туку соочување со одговорност. Секој што јавната реакција ја нарекува ‘руља’, всушност се плаши од вистината – дека системската негрижа убива“, се вели во објавата.

Од Здружението „16ти Март 2025“ најавуваат дека ќе продолжат јавно да зборуваат и да бараат целосна и неселективна правда за загубените животи.