Родителите на загинатите во ПУЛС до Обвинителството: „Кој ќе одговара во МВР?“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Родителите на загинатите во ПУЛС до Обвинителството: „Кој ќе одговара во МВР?“

31 мај 2025

• од Станча Јаќимовски

Родителите на младите жртви кои трагично го загубија животот во пожарот во ноќниот клуб „Пулс“ во Кочани упатија остри обвинувања кон Јавното обвинителство и институциите, барајќи одговорност и правда. Тие денеска јавно се обратија до обвинителите, тврдејќи дека клучни лица сè уште не се повикани на распит, и покрај постоењето на конкретни докази за институционални пропусти.

„Останаа 46 осомничени, а многу од вистинските виновници не се ни повикани. Ако вие не можете, ние ќе ви покажеме каде да барате. Нема да дозволиме да манипулирате со нашата болка“, истакнаа родителите, кои најавија дека сите информации ќе бидат јавно објавени на социјалните мрежи.

Пулс работел без дозвола – каде беа институциите?

Родителите посочуваат дека објектот каде што се случи трагедијата работел без соодветна дозвола за пренамена, додека наемнината се плаќала на рака. Тие прашуваат дали Државниот пазарен инспекторат (ДПИ), Министерството за внатрешни работи (МВР), УЈП и Општина Кочани извршиле какви било контроли и дали постојат записници што покажуваат дека објектот не ги исполнувал условите.

„Еден градоначалник се жалел за бучавата. Што презеде? Дали некоја институција постапила? Сите молчат“, нагласија родителите.

Фалсификувана лиценца – институциите немо гледале?

Родителите потсетија и на случајот со фалсификуваната лиценца, кој беше јавно обелоденет од премиерот, прашувајќи како е можно цели 12 месеци „Пулс“ да работи со неважечка и лажна документација.

„Во Законот за угостителска дејност стои дека Министерството за економија има обврска да го извести субјектот пред истекот на лиценцата. Зошто никој не реагирал?“, прашаа родителите, наведувајќи ги одговорните институции: МВР, УЈП, ДПИ, Санитарен инспекторат и локалната самоуправа.

Поставени прашања за одговорноста на МВР

Родителите беа особено критични кон МВР, барајќи одговорност за дозволувањето на работа на клубот под нелегални услови, како и за непостапување по повеќе индикации за нерегуларности. Тие истакнаа дека МВР има надлежности за проверка на јавен ред, работно време, продажба на алкохол на малолетници, па дури и употреба на пиротехнички средства.

„Кој набавил пиротехнички материјали? Имаше ли дозвола? Кој ракувал со нив? Сето тоа е надлежност на МВР. Смената на командири не е доволна – треба темелна истрага“, порачаа родителите.

УЈП и прашањето за блокираната сметка

Во излагањето беше спомнато и дека „Пулс“ функционирал со блокирана сметка, а УЈП не ја затворила фирмата, иако постоела законска обврска. Според родителите, последна контрола била извршена во декември 2024 година, каде биле утврдени нерегуларности, но објектот продолжил да работи.

„Дали некој ја стопирал постапката за затворање? И зошто?“, прашуваат родителите, нагласувајќи дека се работи за синџир од институционални пропусти.

„Нема да застанеме – вистината ќе излезе на виделина“

Во крајот на обраќањето, родителите порачаа дека нема да престанат да ја бараат правдата и дека, доколку е потребно, ќе го интернационализираат случајот.

„Ќе ја бараме вистината до крај. Ако домашните институции не постапат, ќе ја побараме правдата на меѓународно ниво. Законот мора да важи за сите“, изјавија тие.

Трагедијата во „Пулс“ ја отвори болната рана на нефункционалниот систем на надзор и одговорност. Јавноста сè појасно гледа дека смените на неколку лица не се доволни. Родителите не бараат освета – тие бараат одговорност.