Рокас: Внесувањето на Бугарите во Уставот и реформата на Уставниот суд се основни услови за членство во ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Рокас: Внесувањето на Бугарите во Уставот и реформата на Уставниот суд се основни услови за членство во ЕУ

28 април 2025

• од Вардарски

Авторитетот, непристрасноста и отпорноста на Уставниот суд се клучни за обезбедување владеење на правото во Северна Македонија, порача амбасадорот на Европската Унија, Михалис Рокас, на тркалезната маса „Дали ни е потребен Закон за Уставниот суд?“ одржана во просториите на судот.

Во своето обраќање, Рокас истакна дека реформата на уставното судство е еден од најважните процеси што треба да обезбеди независност, интегритет и отпорност на оваа институција, која е чувар на уставноста, законитоста и основните права на сите граѓани.

„Зајакнувањето на Уставниот суд не е само формално барање за членство во ЕУ, туку суштинска инвестиција во правичен пристап и владеење на правото. Тоа е неопходно за граѓаните, за нивната доверба во институциите и за европската иднина на државата“, нагласи Рокас.

Особено значајно, амбасадорот јасно потенцираше дека завршувањето на уставните измени, со кои Бугарите ќе бидат вклучени како дел од уставно признатите заедници, е главна и неодложна реформа без која Северна Македонија нема да може да започне со суштинската фаза од преговорите за членство во Европската Унија.

„Исполнувањето на оваа обврска е недвосмислено поврзано со европскиот пат на државата. Внесувањето на Бугарите во Уставот заедно со другите заедници, е клучен чекор за напредокот кон ЕУ и за покажување на посветеноста на земјата кон европските вредности на еднаквост, почитување на правата и инклузивност“, истакна Рокас.

Амбасадорот подвлече дека процесот на реформите мора да биде транспарентен, инклузивен и да се базира на дијалог, што ќе ја зголеми довербата на јавноста во институциите, особено во Уставниот суд.

На тркалезната маса свои обраќања имаа и амбасадорките на Германија и САД, Петра Дрекслер и Анџела П. Агелер, кои ја нагласија важноста на силните уставни судови како темел на демократијата и владеењето на правото.

Покрај дипломатските претставници, свои ставови и анализи споделија и домашни правни експерти, претставници на Уставниот суд, академската заедница и граѓанскиот сектор, а во рамки на настанот беа презентирани и наоди од анализата за потребата од носење посебен Закон за Уставниот суд, финансирана од Европската Унија.