Росица Кулакова: Таткото на Васил и судијката треба да одговараат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Росица Кулакова: Таткото на Васил и судијката треба да одговараат

02 февруари 2025

• од Гоце Кически

Во изјава за медиумите, сестрата на Фросина Кулакова, Росица, побара одговорност од таткото на осомничениот Васил Јованов и од судијката Даниела Алексовска Стојановска. Кулакова нагласи дека оние кои не успеале да го воспитат своето дете и да го научат да ги почитува законите не треба да имаат доверба за управување со државата.

„Оној што не успеал да го воспита сопствениот наследник да ги почитува законите, да разликува добро од зло и да живее чесно, не може да бара доверба да управува со државата. Напротив, ваквите лица не смеат да добијат јавна функција. Тие треба да одговараат за своето делување, но и за криминалните постапки на своите 'помлади полнолетници'. Општеството не смее да биде заложник на луѓе без морални темели, а функциите во државата не смеат да бидат засолниште за оние кои не ги почитуваат законите, ниту во својот дом, ниту надвор од него. Ние за Фросина бараме правда, не само од убиецот, бараме да одговара и татко му Зоран Јованов и судијката Даниела Алексовска Стојановска, кои не излегоа јавно да изразат сочувство за семејството, туку кукавички се кријат и бришат профили. Правда за Фросина мора да има!“, изјави Росица Кулакова.

Следниот протест, кој ќе се одржи во 17 часот пред Универзалната сала во Скопје, ќе има за цел да ја подигне свеста за повеќе системски проблеми. Од иницијативата „Кој е следен?“ апелираат дека случајот со Фросина не е изолиран и дека се повторуваат истите случаи на неконтролирано возење и неказнување, што доведува до губење на животи.

Алките во системот за работа со деца и млади во судир со законот не функционираат. Институциите не настапуваат координирано за идентификување на младите во судир со законите, а тие кои веќе се идентификувани не ја добиваат функционалната грижа за да се изградат во корисни и чесни граѓани на општеството. Дополнително, урбаната инфраструктура не ја осигурува потребната безбедност“, се истакнува во објавата на „Кој е следен?“.

Во петокот, стотици граѓани присуствуваа на мирен собир, каде запалија свеќи и положија цвеќе пред фотографијата на Фросина, а потоа маршираа до скопскиот кривичен суд, каде со извалкани раце од црвена боја извикуваа „Убијци!“.

Фросина Кулакова, 22-годишната девојка, беше прегазена од 20-годишниот Васил Јованов, кој во моментот на несреќата бил пијан, без возачка дозвола и поминал на црвено светло, додека Фросина минувала на пешачки премин на Партизанска улица.

На Васил Јованов, осомничен за смртта на Фросина, му беше определен притвор од 30 дена. Познато е дека за него веќе имало кривични пријави за друга сообраќајна незгода и за недозволена употреба на дрога.