С. Македонија на раскрсница: Коридор 10 или Коридор 8 по проектот Starline?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

С. Македонија на раскрсница: Коридор 10 или Коридор 8 по проектот Starline?

26 март 2025

• од Гоце Кически

Новиот проект за изградба на железнички коридор во рамките на европската иницијатива Starline носи значајни промени кои можат да ја остават С. Македонија без транспортни врски во следните години. Иако македонскиот министер за транспорт, Александар Николоски, често нагласува дека Коридорот 10 е од витално значење за Европа и С. Македониjа, новите информации и мапата на проектот Starline јасно покажуваат дека проектот што го планира Европската унија ќе ја заобиколи С. Македонија.

Проектот Starline, кој има за цел да поврзе 39 дестинации во Европа, од кои некои од нив ќе достигнат до Велика Британија, Турција и Украина, предвидува изградба на брзи железници кои ќе ги поврзат клучните европски градови. Оваа нова мрежа ќе овозможи патувања на брзина од 300-400 км/ч и се очекува да биде завршена до 2040 година.

Од сега, на мапата на проектот може да се види дека врските кои ќе ја поврзат Атина со Европа ќе минуваат низ Албанија и Бугарија, а не преку С. Македонија. Ова значи дека С. Македонија ќе биде оставена настрана во големиот транспортен план, а значењето на Коридорот 10, за кој се вложуваат значителни средства од страна на Владата, се намалува.

Со оглед на фактот што проектот Starline ќе ги изостави македонските железнички правци, многумина се велат дека идејата за инвестиција во Коридорот 10 е всушност мртва, бидејќи новата железничка мрежа ќе ја заобиколи С. Македонија, а главната врска ќе поминува низ соседните земји.

Министерот Николоски досега инсистираше на значењето на Коридорот 10 како клучен за европската интеграција на С. Македонија, но со оглед на новите развојни текови, оваа изјава добива сè помалку тежина. Наместо тоа, вниманието се насочува кон изградбата на Коридорот 8, кој ќе ги поврзе С. Македонија, Албанија и Бугарија. Иако се прават некои напори за изградба на оваа железничка линија, се чини дека државата ги занемарува многу важните проекти кои ќе ја интегрираат во европската инфраструктура.

Сега, изгледа дека Коридорот 8 ќе биде и треба да биде од витално значење за С. Македонија и првична приоритетна цел на Владата. Со оглед на тоа дека Европската Унија насочува вниманието кон другите транспортни коридори кои ја заобиколуваат С. Македонија, земјата мора да ја промени својата стратегија на изградба и унапредување на Коридорот 8. Овој коридор ќе биде клучен за поврзување на С. Македонија со соседните земји и Европската унија, а забрзаната изградба на оваа железничка линија ќе ја зголеми конкурентноста на земјата на европскиот транспортен пазар.