Сали од Киев: Северна Македонија останува цврст поддржувач на Украина и нејзиниот европски пат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сали од Киев: Северна Македонија останува цврст поддржувач на Украина и нејзиниот европски пат

15 јули 2026

• од Темелко Тошев

Првиот заменик-претседател на Владата и министер за европски прашања, Беким Сали, зеде учество на пленарната сесија на Самитот Украина – Југоисточна Европа, кој се одржува во Киев по повод Денот на државноста на Украина, соопштуваат од Министерството за европски прашања (МЕП). За време на своето обраќање, Сали испрати јасна порака дека Македонија останува силно посветена на поддршката за Украина, реафирмирајќи го ставот за почитување на нејзиниот суверенитет, независност и територијален интегритет, во целосна согласност со меѓународното право. Тој потсети дека уште од самиот почеток на руската агресија, нашата држава активно обезбедува политичка, хуманитарна, воена и техничка помош, додавајќи дека таквата поддршка ќе продолжи и во иднина, во тесна координација со Европската Унија и нашите евроатлантски партнери.

Осврнувајќи се на важноста на Самитот, министерот Сали истакна дека соработката помеѓу Украина и државите од Југоисточна Европа е клучна за зацврстување на регионалната стабилност, поддршка во процесот на обнова на Украина, како и за градење на една побезбедна и пообединета Европа. Кога станува збор за европските интеграции, Сали понуди конкретна помош. Како земја кандидат со долгогодишно искуство во пристапниот процес, тој нагласи дека Северна Македонија е целосно подготвена да ги сподели своите искуства, експертиза и институционални капацитети со Украина, помагајќи ѝ на нејзиниот пат кон полноправно членство во ЕУ. Во таа насока, тој го посочи Меморандумот за соработка меѓу институциите на двете земји како одлична основа за натамошно продлабочување на партнерството. На крајот од своето излагање, Сали уште еднаш потенцираше дека Северна Македонија останува доверлив партнер и силен сојузник на Украина во нејзината борба за мир, безбедност и европска иднина.