Љубчо Георгиевски: Македонските Бугари ја поддржуваа самостојна Македонија, за разлика од македонските Срби

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Македонските Бугари ја поддржуваа самостојна Македонија, за разлика од македонските Срби

11 јули 2026

• од Темелко Тошев

Поранешниот премиер Љубчо Георгиевски, во своето најново обраќање во неговиот подкаст, изнесе остри критики кон актуелната власт и направи историска паралела за улогата на македонските Бугари во процесот на осамостојувањето на државата во раните деведесетти години.

Според Георгиевски, во почетоците на плурализмот и борбата за независност, ВМРО било исполнето со луѓе кои одлично ја познавале општата историја со Бугарија, но кои безрезервно се вградиле во идејата за самостојна и независна македонска држава.

Тој во подкастот направи директна компарација на односот кон независноста, повикувајќи се на фактите од 1990 и 1991 година.

„Ќе го поставам вака прашањето: најдете еден македонски Србин кој ја поддржува идејата за самостојна и независна Македонија. И од друга страна на прашањето – најдете еден македонски Бугарин кој не ја поддржува идејата за самостојна и независна Македонија. Македонските Бугари се бореа за самостојна и независна Македонија во сите фази, вклучително и таа фаза од 90-та година наваму“, потенцираше Георгиевски.

Надоврзувајќи се на историскиот контекст, тој отвори прашање за интеграцијата на оваа заедница денес, прашувајќи што би изгубила Македонија доколку македонските Бугари станат инклузивен дел од македонското општество.

Осврнувајќи се на актуелната политичка ситуација, Георгиевски упати силни критики кон односот на државниот врв, обвинувајќи за ретроградна политика која наликува на периодот од почетоците на комунизмот.

„За жал, ние гледаме една реторика од денешната актуелна власт кон македонските Бугари како што било во 1945, 1951, 1962 и раните деведесетти години. Ако ја гледаме реториката на актуелната власт денеска, ние ќе видиме дека по тоа прашање ништо не е променето“, заклучи Георгиевски.