СДСМ: Алармантно – над 20 милиони килограми грозје стои неоткупено

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Алармантно – над 20 милиони килограми грозје стои неоткупено

22 септември 2025

• од Станча Јаќимовски

Бербата на винското грозје е при самиот крај, но состојбата со откупот на терен е крајно алармантна. Според СДСМ, по еден месец од почетокот на откупната сезона, над 20 милиони килограми грозје сè уште стојат неоткупени. Лозарите, како што предупредуваат, се оставени сами да се борат со неизвесноста околу тоа дали нивниот род ќе биде откупен.

Опасност од губење на квалитетот

„Ако оваа количина не се откупи во следните неколку дена, грозјето ќе изгуби на квалитет и тежина. Дали тоа е целта на Владата на ВМРО-ДПМНЕ – грозјето да биде собрано по многу пониска цена под изговор дека е неквалитетно?“, праша на денешната прес-конференција Трајан Димковски, претседател на Комисијата за земјоделство, шумарство и водостопанство на СДСМ.

Обвинувања за манипулации

СДСМ обвинува дека Владата на ВМРО-ДПМНЕ не ги заштитила лозарите, дозволувајќи винариите да манипулираат и со цените и со откупот. Иако властите ветуваат дека „сè ќе биде откупено“, на терен ситуацијата, според СДСМ, е сосема различна – откупот се одвива забавено, без јасна стратегија и без одговорност.

Како дополнителен пример за манипулации, Димковски посочи дека на крај од бербата се најавува винаријата „Вардар“ да го откупела вишокот грозје. Но, тој потсети дека оваа винарија последен пат откупувала во 2020 година, со капацитет од едвај 7 милиони килограми, далеку помалку од сегашниот вишок.

Повик до премиерот Мицкоски

СДСМ го повика премиерот Христијан Мицкоски да излезе на терен, да се сретне со вистинските лозари и да понуди реално решение. „На лозарите не им треба нов Свед Милк или ново Повардарие, потребна им е вистинска поддршка и конкретни решенија“, изјави Димковски.

Незаинтересираност за лозарството

Во соопштението, СДСМ ја обвинува власта за целосна незаинтересираност кон една од најзначајните земјоделски и извозни гранки – лозарството, од кое егзистираат над 11.000 семејства.

Тие потсетија дека владејачкото мнозинство на ВМРО-ДПМНЕ не го поддржа предлог-законот на СДСМ за дополнителна финансиска поддршка од 3 денари по килограм грозје и укинување на одредбата која дозволува 8% намалување на откупната цена.