СДСМ: Анти-ЕУ кампањата на Мицкоски ја турка економијата во стагнација

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Анти-ЕУ кампањата на Мицкоски ја турка економијата во стагнација

16 јануари 2026

• од Станча Јаќимовски

СДСМ предупредува дека економските и институционалните процеси во државата влегуваат во фаза на сериозна стагнација, како директна последица на, како што наведуваат, нефункционално управување, клиентелизам и политички мотивирани трошења.

Според тврдењата на партијата, државниот буџет веќе се соочува со недостиг од околу две милијарди евра, а наместо консолидација, се најавуваат нови задолжувања. Во исто време, како што посочуваат од СДСМ, средства се издвојуваат за тендери и јавни набавки, додека се доведува во прашање редовната исплата и растот на платите и пензиите.

Во соопштението се наведува дека значителен дел од јавните средства завршуваат кај блиски политички и бизнис-кругови, како и кај политички субјекти и поединци кои, според СДСМ, обезбедиле поддршка за контроверзни политички одлуки. Дополнително, партијата обвинува за финансирање активности насочени кон внатрешно слабеење на опозицијата преку поединци и структури кои ги оценува како инструментализирани од власта.

СДСМ ваквите процеси ги поврзува со обид да се одвлече вниманието од, како што велат, обелоденетите информации за корупција, криминал и политички сценарија поврзани со предвремени избори и чувствителни прашања од јавен интерес.

Во споредба со периодот кога партијата беше носител на власта, од СДСМ потсетуваат дека тогаш биле реализирани континуирани зголемувања на платите и пензиите, што го припишуваат на поинаков модел на управување – без, како што велат, системско делење тендери и без потреба од одржување сателит-партии и негативни кампањи.

Пораката што ја испраќа опозицијата е дека фокусот не треба да биде на поединци, туку на воспоставување функционален систем заснован на интеграции, реформи и европски вредности, со цел, како што наведуваат, враќање на институциите и власта во рацете на граѓаните.