СДСМ бара итна декласификација на документите за случајот со АНБ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара итна декласификација на документите за случајот со АНБ

03 септември 2025

• од Станча Јаќимовски

СДСМ денеска упати барање за итна декласификација на целата документација поврзана со случајот што, според партијата, власта се обидува да го претстави како наводна афера за прислушкување.

На прес-конференција, портпаролката на СДСМ, Богданка Кузеска, истакна дека јавноста има право да ја дознае вистината, особено поради спротивставените изјави на лидерот на ВМРО-ДПМНЕ, Христијан Мицкоски, и директорот на Агенцијата за национална безбедност, Зоран Христовски.

„Мицкоски вели дека бил прислушуван, Христовски тоа го демантира и зборува за прибирање информации за таргетирани лица. Кој овде лаже? Единствен начин да се расчисти е веднаш да се декласифицираат сите документи и да бидат достапни на јавноста,“ изјави Кузеска.

Обвинувања за манипулација и предизборна злоупотреба

Портпаролката предупреди дека, доколку документите не бидат објавени, ќе стане јасно дека станува збор за уште еден „неуспешен обид за манипулација“ и предизборна злоупотреба од страна на власта. Таа потсети на претходни случаи, како што рече, „измислени приказни за дестабилизации, дронови, поткуп и други афери кои завршија без докази“.

Критики за злоупотреба на безбедносната служба

Според СДСМ, ВМРО-ДПМНЕ ја злоупотребува безбедносната служба за партиски цели, со што се обидува да го одвлече вниманието од реалните проблеми со кои се соочуваат граѓаните.

„Власта со години не обезбедува поголеми плати, не ги исполнува ветувањата и секојдневно ја тресат скандали. Граѓаните веќе не веруваат во лажни афери и празни приказни. Само целосна транспарентност ќе покаже дали има реален безбедносен проблем или уште една евтина манипулација,“ рече Кузеска.