СДСМ бара одговорност: Зошто МВР дозволило да се одржи концертот на Аца Лукас?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара одговорност: Зошто МВР дозволило да се одржи концертот на Аца Лукас?

24 ноември 2025

• од Станча Јаќимовски

Скандалот околу приведувањето на српскиот пејач Аца Лукас и реакциите на градоначалникот на Кавадарци, Митко Јанчев, повторно го отворија прашањето за безбедносните пропусти при организирање на масовни настани. Според СДСМ, информациите кои досега излегоа во јавност укажуваат дека на концертот присуствувале над 700 гости, иако просторот, согласно законот, можел да прими максимум 200 лица.

Поради тоа, од партијата сметаат дека е очигледно дека и МВР под водство на Тошковски, и општината на Јанчев биле информирани за концертот, дека знаеле дека не се исполнети минималните безбедносни услови, но сепак дозволиле настанот да се одржи. Концертот бил прекинат дури во текот на вечерта, откако просторот со часови бил преполн.

Во нивното партиско соопштение, пренесено од МИА, СДСМ поставува повеќе прашања за пропустите:

Клучни прашања што ги поставува СДСМ

Зошто воопшто бил дозволен настанот да започне и како било дозволено во локалот да влезат над 700 луѓе, со што, според партијата, бил создаден ризик за нова трагедија?
Зошто организаторите и сопственикот на локалот не биле веднаш санкционирани, и покрај тоа што било очигледно дека ги прекршиле безбедносните протоколи?
Дали дискотеката ги исполнувала сите законски прописи, дали била регистрирана како ноќен клуб и кабаре и дали ваквата ситуација не претставува потенцијал за повторување на трагедијата како онаа во Кочани?
Дали МВР извлекло поука од претходните случаи, или повторно дозволува одржување ризични настани без соодветна контрола?
Дали полицијата намерно дозволила настанот да трае повеќе часови, па дури потоа да интервенира?

Согласно информациите кои ги поседува СДСМ, концертот бил прекинат од полицијата дури по полноќ, во 00:10 часот, кога локалот веќе подолго време бил преполн со гости.

Барање за итна истрага и одговорност

Од СДСМ бараат веднаш да се отвори истрага и да се утврди одговорност кај сите инволвирани – од органите на МВР кои, како што се наведува, „не презеле ништо“, до организаторите на настанот.

Партијата ги повикува министерот Тошковски и градоначалникот Јанчев итно и јавно да одговорат зошто е дозволен ваков пропуст и да понесат одговорност за, како што велат, загрозување на безбедноста на граѓаните.