СДСМ: Дали Мицкоски се мајтапи со граѓаните – Маркетите да објавувале цени, а тие да споредувале!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Дали Мицкоски се мајтапи со граѓаните – Маркетите да објавувале цени, а тие да споредувале!

11 февруари 2025

• од Вардарски

-Христијан Мицкоски со своите последни изјави повторно докажува дека е целосно одлепен од реалноста. Во време кога граѓаните едвај ги врзуваат крај со крај, кога цените секојдневно растат, Мицкоски предлага „револуционерно решение“ – маркетите да ги објавуваат цените на вебсајтови, а граѓаните сами да ги споредуваат, велат од СДСМ.

„Дали ова е економската политика на Владата? Дали ова е стратегијата за заштита на животниот стандард? Да ажурираат сајтови додека луѓето сè потешко преживуваат?

Овој „бисер“ е само уште една потврда дека Владата предводена од ВМРО-ДПМНЕ нема ни визија ни волја да преземе конкретни мерки за спречување на растот на цените. Ова не е ништо друго освен мачкање очи пред јавноста дека нешто „се работи“, додека во реалноста, трговците и крупните интереси се заштитени, а граѓаните оставени сами на себе.

За осум месеци оваа Влада не понуди ниту една успешна економска мерка. Напротив, со секој потег дополнително го слабее животниот стандард на граѓаните. Македонските семејства се соочуваат со реалност каде што секој ден имаат сè помалку пари, а цените растат без контрола.

СДСМ, како и секогаш, понуди конкретни и проверени решенија што веднаш би донеле резултати. Предложивме мерки за раст на платите, намалување на ДДВ за основните производи и заштита од неконтролираните поскапувања. Но, Владата останува глува за ваквите предлози, очигледно водена од други интереси.

Ги прашуваме Владата и Мицкоски: Кого штитите? За кого работите? Зошто граѓаните не ја гледаат поддршката од вас?

Јасно е дека ВМРО-ДПМНЕ од првиот ден нема интерес парите од буџетот да ги врати кај граѓаните. Напротив, со ниту една политика досега не овозможија никаква помош или бенефит за граѓаните.

СДСМ останува посветен на борбата за подобар животен стандард. Додека Владата се занимава со популистички идеи и заштита на интересите на малкумина, ние ќе продолжиме да работиме на вистински решенија за граѓаните!“ – се вели во соопштението на СДСМ