СДСМ: Документи потврдуваат – Вистината за злоупотребите на Љутков е објавена

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Документи потврдуваат – Вистината за злоупотребите на Љутков е објавена

06 јуни 2025

• од Станча Јаќимовски

СДСМ останува цврсто на ставот дека објавените информации за злоупотребите на министерот за култура и туризам, Зоран Љутков, се поткрепени со факти и докази. Барањето за извинување од страна на Љутков е целосно неосновано и е обид за бегање од одговорност.

Објавивме вистина, не клевета

СДСМ нема да се извини за тоа што ја објави вистината – вистина која јавноста има право да ја знае. Љутков не успеа да обезбеди исплата на платите за културните работници пред Велигден, оставајќи ги самите да се снаоѓаат во празничниот период. Наместо да ги решава проблемите, тој избра молк.

Зголемувања на плати под минималното

Колективниот договор предвидуваше зголемување на платите кое беше значително поголемо од реализираното 5,5%. Ова е уште една потврда за игнорирањето на обврските кон културните институции и нивните вработени.

Луксузни патувања и незаконски унапредувања

Љутков мора да одговори зошто и како патувал на егзотични дестинации во вредност над 50.000 евра – со пари на граѓаните. Дополнително, постојат конкретни докази за незаконско унапредување на блиски лица и за сериозни злоупотреби во кадровската политика на министерството.

Скандали и непрозрачност

Не постои транспарентна стратегија, план или визија за развој на културата и туризмот. Наместо тоа, сведоци сме на скандали поврзани со државната секретарка Ѓоргова и на најави за контроверзни приватизации на културното наследство – нешто што СДСМ остро го осудува.

Повик до институциите

Ги објавуваме документите кои ги потврдуваат сите овие наводи и бараме надлежните институции веднаш да постапат согласно законот. Одговорност мора да има – правдата и интересите на граѓаните се над политичките манипулации.

СДСМ ќе продолжи да ја информира јавноста за сите нерегуларности и ќе остане гласен коректив на секоја неспособност и злоупотреба. Затоа што културата и граѓанските пари не смеат да бидат заложници на лични и партиски интереси.