СДСМ: Грозјето скапува на нивите – лозарите се повторно изневерени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Грозјето скапува на нивите – лозарите се повторно изневерени

20 септември 2025

• од Станча Јаќимовски

Лозарите повторно се оставени на цедило, а грозјето скапува на нивите.

Пред само два дена, министерот за земјоделство, шумарство и водостопанство, Цветан Трипуновски во Кавадарци самоуверено изјави дека „целото грозје ќе биде откупено од страна на винариите“. Денес, на 19 септември, реалноста на терен е сосема поинаква.

Агонија наместо решение

Најавеното „решение“ за проблемот со откупот на грозјето се претвори во нова агонија за лозарите – откупот на винското грозје се одвива забавено и несигурно.

Министерот Трипуновски тврдеше дека оваа реколта ќе донесе над 100 милиони килограми грозје. На средбата во Кавадарци, пред соработници и јавноста, тој истакна дека досега се откупени 78 милиони килограми, оставајќи над 22 милиони килограми неоткупено грозје.

Прашања без одговор

СДСМ прашува: како ќе бидат откупени повеќе од 22 милиони килограми грозје од винарија која последен пат откупувала пред пет години и тоа со капацитет од едвај 7 милиони килограми?

Дали винаријата „Вардар“, за која Трипуновски ветува дека ќе ги преземе дополнителните количини во тиквешкиот регион, има обезбедено финансиски средства за исплата на лозарите? Важно е да се потсети дека оваа винарија нема вршено откуп уште од 2020 година.

Лозарите заслужуваат вистина

Лозарите се изморени од празни ветувања и манипулации. Тие бараат реални решенија – не празни сценарија и политички игри.

Се поставува прашањето дали се подготвува нова измама, како онаа од 2016 година, кога партиски блиски визби добија финансиска поддршка, а лозарите останаа со неплатено грозје.