СДСМ: Итна кривична постапка против началникот Мартиновски поради незаконско приведување

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Итна кривична постапка против началникот Мартиновски поради незаконско приведување

10 август 2025

• од Станча Јаќимовски

СДСМ денеска побара од Основното јавно обвинителство во Битола веднаш да покрене кривична постапка против началникот на полицијата во Демир Хисар, Роберт Мартиновски, поради, како што тврдат, злоупотреба на службената положба и незаконско приведување на директорка на локална институција без судски налог или наредба.

Според партијата, скандалот е јасен пример за злоупотреба на полицијата за партиски цели од страна на ВМРО-ДПМНЕ, со цел заплашување на граѓаните пред избори. Од СДСМ истакнуваат дека јавноста веќе се спротивставила на таквите постапки и застанала на страната на правдата.

„Обвинителството вчера потврди дека немало наредба ниту налог за приведување, а денес бараме постапка против партискиот послушник Мартиновски,“ велат од СДСМ, обвинувајќи дека тој бил поставен по налог на министерот за внатрешни работи Панче Тошковски и се користи како „ударна тупаница“ на партијата.

СДСМ дополнително посочува и на улогата на инспекторот Ѓорѓи Митревски, кој бил унапреден истиот ден кога се случил инцидентот и кој, наместо да го води претресот, му дозволил на Мартиновски да ја преземе контролата. „По чиј налог се случи ова? Дали станува збор за директна вмешаност на Тошковски?“ – прашуваат од партијата.

Во соопштението, СДСМ го обвинува министерот дека демонстрира сила врз болна жена, додека истовремено, според нив, толерира насилници и криминалци блиски до коалицискиот партнер ВЛЕН и не презема мерки против тешки корупциски случаи вредни стотици милиони евра.

Партијата поставува пет конкретни барања:

Тошковски да не го заташкува случајот преку внатрешна контрола и да не ја манипулира јавноста.
Началникот Мартиновски веднаш да биде разрешен и против него да се поднесе кривична пријава.
Обвинителството во Битола да истражи и гони сите инволвирани во незаконското постапување.
Да се санкционира целиот случај на прогонот против Лозановска.
Одговорност да понесе и Тошковски за назначувањето на началниците.

СДСМ предупредува дека овој настан е уште една потврда за опасноста од партизација на полицијата, што води кон ерозија на правниот систем и селективна правда.

„Нема правда со ВМРО-ДПМНЕ и Панче Тошковски – има само злоупотреби на полицијата за партиски цели,“ заклучуваат од партијата.