СДСМ: Кој ќе одговара за труењето на граѓаните по пожарот во Трубарево?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Кој ќе одговара за труењето на граѓаните по пожарот во Трубарево?

22 септември 2025

• од Станча Јаќимовски

По пожарот кој неодамна избувна во Трубарево, повеќе од половина милион жители на Скопје и околината биле оставени да дишат токсичен воздух, обвинуваат од СДСМ. Според нивното соопштение, во атмосферата се измерени концентрации на олово, арсен и кадмиум дури 12 пати над дозволените граници.

Обвинувања за молк и негрижа

Од СДСМ тврдат дека институциите не само што не реагирале навреме, туку и ги убедувале граѓаните дека опасност нема. Наместо да преземат итни мерки, препораки и евакуација, властите, како што велат од партијата, „не мрднале со прст“.

„Власта свесно го загрози здравјето и животот на луѓето“, стои во партиското соопштение.

Барања за одговорност

Социјалдемократите прашуваат кој ќе ја понесе одговорноста што граѓаните биле оставени без никакво предупредување и биле изложени на штетни материи. Од таму бараат итна истрага од Јавното обвинителство и покренување кривична одговорност против сите службени лица кои, со своето непостапување, дозволиле да се загрози животот и здравјето на населението.

Исто така, се бараат оставки од министерот за внатрешни работи, министерот за здравство и директорот на Дирекцијата за заштита и спасување.

Критики кон актуелната власт

СДСМ ја нарекува актуелната власт „најкукавичка и најнеодговорна“ досега, обвинувајќи ја дека наместо да се соочи со кризите, калкулира, минимизира и со лаги се обидува да го спаси сопствениот рејтинг, додека граѓаните ја плаќаат цената со своето здравје.