СДСМ-Конче: Градоначалникот Ристов ја вработил сопругата за директорка на библиотека за време на избори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ-Конче: Градоначалникот Ристов ја вработил сопругата за директорка на библиотека за време на избори

09 септември 2025

• од Станча Јаќимовски

Општинската организација на СДСМ во Конче обелодени скандал поврзан со градоначалникот Златко Ристов. Според нивните наводи, Ристов непосредно пред изборите ја вработил својата сопруга во Градската библиотека во Радовиш, а во текот на самиот изборен процес ја назначил и за директорка на истата институција.

Во нивната јавна објава на Фејсбук, од СДСМ-Конче наведуваат:
„Си ја вработи сопругата во Градската библиотека во Радовиш непосредно пред избори, а во самиот тек на изборниот процес е назначена за Директорка на истата установа“.

Сомнежи за непотизам и злоупотреба на функцијата

Од партијата посочуваат дека ваквиот потег отвора сериозни сомнежи за влијание и злоупотреба на службената положба, како и користење на институциите и партиските врски за лични и семејни привилегии.

Според нив, библиотеката наместо независна културна установа, станала жртва на личните интереси на градоначалникот. Дополнително, СДСМ потсетува дека уште од самиот почеток на мандатот на Ристов, неговата сопруга била именувана за член на управен одбор на ЈП „Плаваја“, каде што остварувала финансиски надомест. Таа, исто така, извршувала функција на заменик-директорка во училиштето „Орце Николов“ во Ињево.

„Дали само неговата сопруга заслужува цело време да биде заменик директорка на едно место, член на управен одбор на друго место, а на крај и директорка на библиотеката?“, прашуваат од СДСМ.

Прашања до институциите

Општинската организација на СДСМ – Конче бара одговори и порачува дека граѓаните на Радовиш и Конче заслужуваат поголема транспарентност:

Дали ова е класичен пример на непотизам?
Како е можно за време на избори да се назначува сопругата на градоначалник за директорка?
Дали институциите ќе реагираат на овој случај?

„Радовиш како град не смее да биде заложник на лични интереси и фамилијарни и партиски врски!“, нагласуваат од СДСМ-Конче.