СДСМ:Љутков го гази колективниот договорот и правата на културните работници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ:Љутков го гази колективниот договорот и правата на културните работници

23 април 2025

• од Вардарски

Министерот за култура, Христијан Љутков, повторно се најде во центарот на критики поради контроверзната изјава во која го нарече колективниот договор за култура „незаконски“. Ваквиот став предизвика жестоки реакции од страна на културните работници и опозицијата, кои го сметаат за директен напад врз работничките права и достоинството на професијата.

Колективниот договор, кој со години е основа за заштита на трудовите права на културните работници, не е ништо друго освен законска обврска, создадена преку дијалог, напор и борба. Тој е дел од еден систем на вредности кој овозможи покачени и редовни плати за време на претходната влада предводена од СДСМ. Денес, таа реалност изгледа далечна.

Според најновите информации, културните работници сè уште не ја добиле својата плата за месец март, а договорените услови не се почитуваат. Покачување на платите нема, а одговорност никој не презема. Во исто време, медиумите известуваат за луксузното трошење на министрите – од егзотични овошки како папаја и манго, до скапи оброци со аспарагус – што дополнително ја подгрева јавната фрустрација.

„Ова не е случајна грешка, туку резултат на неспособност и расипничка политика“, обвинуваат од СДСМ. Од партијата бараат веднаш да се исплатат мартовските плати, покачени според колективниот договор, и истиот да се почитува во целост.

СДСМ прашува дали ваквиот напад врз колективниот договор претставува вовед во нов обид за кратење на правата на културните работници, со што би се вовеле партиски критериуми во уметничката и културната сфера.

Министерот Љутков, според нив, треба јавно да се извини и да покаже дека го разбира значењето на колективниот договор и работничките права. „Неговата неспособност не е и не смее да биде оправдување“, истакнуваат од опозициската партија.

И додека министерството молчи, културната сцена се соочува со тивок но болен протест – протест на достоинството, кој ја потсетува јавноста дека културата не е луксуз, туку основен дел од општественото здравје.