СДСМ: Македонија се соочува со економски и енергетски колапс

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Македонија се соочува со економски и енергетски колапс

18 јули 2025

• од Станча Јаќимовски

Состојбата во Македонија е алармантна. Повеќе од 55% од населението не може да си дозволи ни еден седумдневен одмор во текот на годината, покажуваат најновите истражувања на репрезентативниот синдикат. И покрај тоа, премиерот Мицкоски зборува за Македонија како за „четврта економија во светот“, пред држави како Исланд, Ирска, Данска и Норвешка. Ова е јасен показател за отсуството на допир со реалноста во која живеат граѓаните.

Македонија се соочува со економски и енергетски колапс. Инфлацијата ги уништува домашните буџети, стандардот опаѓа, а сиромаштијата расте. Земјоделците се на раб на опстанок — катастрофално ниски откупни цени и доцнење на субвенциите, кои и онака се преполовени, ја доведуваат цела аграрна индустрија во прашање.

Домашното индустриско производство се распаѓа. Еден од најголемите рудници во земјата, „Тораница“, е пред затворање. РЕК Битола не работи, а хидроенергетските капацитети се празни. Ова ја загрозува енергетската безбедност на државата и ги отвора вратите за нови ценовни шокови кон граѓаните и бизнисот.

Капиталните инвестиции, кои се мотор на развојот, се на историски најниско ниво — само 26% реализација во третиот квартал. Нема најава дека ова ќе се подобри, а државната каса е празна. Пари нема, проекти нема, а надежта кај народот се губи.

Покрај тоа, не се враќа ДДВ на даночните обврзници, што дополнително ги оптоварува фирмите и граѓаните, го блокира бизнисот и создава недоверба во институциите.

Во ваква состојба, додека Македонија тоне во економска несигурност и хаос, премиерот Мицкоски живее во луксуз како османлиски бег. Истовремено, ја задолжува државата за нови 8 милијарди евра, додека во јавноста тврди дека „немало дополнителни задолжувања“. Лагата станува алатка, а граѓаните плаќаат со сопствениот стандард.

Македонија е на работ на целосен економски и енергетски крах. Мицкоски го знае тоа и гледа да извлече што може, додека народот сè повеќе осиромашува. Време е за одговорност, вистина и реални политики – не за лажни ветувања и манипулации.