СДСМ: Мицкоски и Славески ја туркаат земјата во сиромаштија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски и Славески ја туркаат земјата во сиромаштија

17 јуни 2025

• од Станча Јаќимовски

На денешната прес-конференција, членката на Извршниот одбор на СДСМ, Симона Цветаноски, остро ја нападна економската политика на актуелната власт предводена од ВМРО-ДПМНЕ, оценувајќи ја како „дебакл“ што ја турка Македонија на дното на Европа. Повод за реакцијата се последните податоци на Евростат, според кои Македонија е претпоследна во Европа по висина на минималната плата, веднаш пред Албанија, а истовремено и последна по куповна моќ.

„Ова не се бројки од црна хроника – ова е нашата реалност. Платата не им стигнува на граѓаните ни до 10-ти во месецот“, изјави Цветаноски, обвинувајќи дека функционерите на власта живеат во луксуз додека народот штеди на основни потреби. Според неа, ВМРО-ДПМНЕ свесно ја влошува економската состојба со цел да го задржи народот во неизвесност и сиромаштија.

Цветаноски директно го обвини дуото Трајко Славески – Христијан Мицкоски за, како што вели, „намерно економско понижување“ на граѓаните. „Тие не се заинтересирани за реална промена. Нив ги интересираат само криминалните зделки и бизнис интересите на нивните соработници“, рече таа.

СДСМ, според Цветаноски, покажал дека знае и може да управува со економијата во корист на граѓаните: „Минималната плата ја зголемивме од 9.000 на над 20.000 денари. Донесовме закон за усогласување на платите со трошоците за живот. Инвестиравме 2,6 милијарди евра во економија и стабилизација на енергетскиот систем“, посочи таа.

Наспроти тоа, како што тврди СДСМ, сегашната власт ги одбила сите предлози за покачување плати, ги блокирала мерките за поевтини основни производи и не вложила ништо во поддршка за граѓаните во време на економска криза.

Цветаноски го заврши своето излагање со повик за мобилизација: „Време е за одговорност. Време е за борба за фер услови и економија што работи за граѓаните, а не за привилегираните. СДСМ нема да молчи. Ќе зборуваме секој ден, затоа што секој човек заслужува повеќе“, порача таа.