СДСМ: Морален пораз за Тошковски и ДПМНЕ – Советничка поднесе оставка, а тој не!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Морален пораз за Тошковски и ДПМНЕ – Советничка поднесе оставка, а тој не!

15 април 2025

• од Вардарски

СДСМ жестоко реагира на, како што велат, моралниот пораз на техничкиот министер за внатрешни работи, Панче Тошковски, и неговата матична партија ВМРО-ДПМНЕ, поради одбивањето да се преземе одговорност за трагедијата што неодамна ја потресе Кочани.

Во соопштението до јавноста, СДСМ посочува дека токму советничка од редовите на ВМРО-ДПМНЕ поднела оставка од морални причини, за разлика од Тошковски, кој и понатаму останува на функцијата, и покрај трагичните последици.

„По најголемата трагедија што ја потресе државата и која се случи во Кочани, требаше да следи морална одговорност од раководството на институцијата задолжена за јавната безбедност – Министерството за внатрешни работи. Наместо тоа, гледаме молк и селективна истрага“, се вели во соопштението.

СДСМ потсетува дека јавноста веќе има увид во селективноста на истрагата. И покрај тоа што вечерта на трагедијата имало присутни полициски службеници и раководители од ОВР Кочани, СВР Штип и БЈБ, никој од нив сè уште не е опфатен со истрагата. Според партијата, тие имале целосен увид во ситуацијата – знаеле за присуството на малолетници и за употребата на пиротехнички средства – но не презеле ништо за да ја спречат несреќата.

Дополнително, СДСМ потсетува дека дури и дозволата за употреба на пиротехнички средства, што била директна причина за пожарот, паѓа под надлежност на МВР. Сепак, и покрај тоа, од Министерството ниту еден актуелен функционер не е осомничен.

„Зошто нема одговорност за дежурните полициски службеници и функционери? Зошто се гонат лица кои не биле ни надлежни, а се штитат оние што требале да реагираат и можеби да спасат човечки животи?“, прашуваат од СДСМ.

Партијата порачува дека одбивањето на Тошковски да понесе одговорност е директно понижување на правдата и уште еден доказ за селективна заштита на функционери блиски до ВМРО-ДПМНЕ.