СДСМ: Намерни провокации пред избори, омразата не е патриотизам

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Намерни провокации пред избори, омразата не е патриотизам

05 август 2025

• од Станча Јаќимовски

Сојузот на социјалдемократската младина (СДСМ) излезе со остра реакција по инцидентот на кошаркарскиот натпревар во Куманово, каде беа забележани националистички извици и говор на омраза насочен кон етнички заедници. На настанот присуствуваа и премиерот и други високи владини претставници.

Од СДСМ велат дека ваквите испади се неприфатливи и дека ја поткопуваат основата на соживотот и мирот во државата. „Говорот на омраза и навредите кон било која етничка заедница се обид да се создадат поделби меѓу граѓаните“, стои во соопштението.

Партијата предупредува дека ова не е изолиран случај, туку дел од шема што се повторува пред секои избори, со цел да се пренасочи вниманието од суштинските прашања и да се создаде вештачка конфронтација меѓу граѓаните.

„Апелираме до сите граѓани да останат разумни, да не подлегнуваат на провокации и на насилен национализам кој намерно се активира кога се приближуваат избори“, порачуваат од СДСМ.

Од партијата бараат и официјална осуда од премиерот и владините претставници кои биле директни сведоци на инцидентот, потенцирајќи дека борбата против говорот на омраза треба да биде заедничка обврска на сите политички субјекти.

„СДСМ ќе продолжи да се бори против сите форми на говор на омраза, без разлика од кого доаѓа. Нашата борба е за праведно, мирно и достоинствено општество во кое сите граѓани имаат еднакви можности и почит, без оглед на етничка, верска или друга припадност“, стои во реакцијата.

Од партијата додаваат дека вистинскиот патриотизам не се мери со навреди, туку со почитување на сограѓаните и фер спортско навивање.