СДСМ: Недостиг на лекови на Онкологија, животите на пациентите се загрозени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Недостиг на лекови на Онкологија, животите на пациентите се загрозени

11 април 2025

• од Гоце Кически

Од опозициската партија СДСМ денеска обвинија за повторен недостиг на клучни лекови на Клиниката за онкологија, истакнувајќи дека ваквиот проблем сериозно ги загрозува животите на пациентите. Според изјавите на партијата, за оваа недела недостигаат биолошкиот лек Palbosiklib и лекот Bevacizumab (Авастин), кои, според СДСМ, се неопходни во текот на терапијата и од нив директно зависи здравствената состојба и животот на пациентите.

„Иако претходно надлежните ветија дека веќе нема да има недостиг на лекови, повторно се случува истиот проблем. Недозволиво е пациентите, кои секојдневно се борат за своето здравје, да немаат основна терапија кога им е најпотребна. Ова е директен удар врз нивното здравје“, велат од СДСМ.

Од опозициската партија бараат одговорност од министерот за здравство и од директорот на Клиниката за онкологија, нагласувајќи дека „наместо конкретни решенија и навремена набавка, институциите под раководство на ВМРО-ДПМНЕ се покажаа неспособни да го решат проблемот“. Според нив, пациентите со недели или дури и месеци чекаат на задолжителната терапија која е од витално значење за нивниот опстанок.

„Во 21 век е недозволиво да нема континуирана достапност на основна терапија за најтешко болните, особено кога станува збор за рак. Животот на пациентите не смее да биде жртва на неспособноста и неодговорноста на оваа власт“, стои во реакцијата на опозицијата.

Најавено е дека СДСМ ќе побара итни мерки од надлежните институции, вклучително и детален план за редовна набавка на лекови и механизам за избегнување на било какви идни недостигнувања. Од Министерството за здравство досега не излегоа со официјален став во врска со обвинувањата.