СДСМ објави нови наводи за тендерски шеми и побара одговорност од власта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ објави нови наводи за тендерски шеми и побара одговорност од власта

15 јануари 2026

• од Станча Јаќимовски

СДСМ денеска на прес-конференција изнесе нови обвинувања поврзани со, како што тврдат, тендерски шеми во кои се вклучени фирми блиски до ВМРО-ДПМНЕ.

Членот на Извршниот одбор на СДСМ, Петар Огњеновиќ, информираше дека фирмата „Пирамид билдинг солушнс“, која опозицијата ја посочува како „омилена фирма во тендерските шеми“, доставила барање до Антикорупцискиот тим на СДСМ (АКТ) за извинување поради наводно нарушување на угледот.

„Сè што АКТ го објави се факти, аргументи и докази. Станува збор за 51 тендер во општините, во вкупна вредност од 16 милиони евра, податоци кои се јавно достапни“, изјави Огњеновиќ, прашувајќи што од наведеното е невистинито и дали спорен е и мандатот на лице именувано како Доновски во избирачки одбор како претставник на ВМРО-ДПМНЕ.

СДСМ соопшти дека денеска објавува и нови докази, со прашање дали тендерската мрежа е проширена и преку други семејни и партнерски фирми. Како што беше наведено, сопругата на Доновски, Оливера Доновска, е сопственичка на три компании: „Дајмнод инвести ДОО Гостивар“, „Тргострој ДОО Скопје“ и „Аксес инженеринг груп ДОО увоз-извоз Скопје“.

Според изнесените информации, „Аксес инженеринг груп ДОО увоз-извоз Скопје“ е основана во март 2019 година со Филип Гулевски, на адреса на булевар АСНОМ во Скопје. Истиот Гулевски, како што тврди СДСМ, од ноември 2021 година е сопственик и на „АКЦЕС КОНСТРАКШН ГРУП увоз-извоз Скопје“, регистрирана на истата адреса. Токму оваа фирма, според опозицијата, на 4 декември 2025 година добила тендер за проектирање и изградба на спортски сали во општините Крушево и Аеродром, во вредност од 1,1 милион евра, финансиран од Министерството за спорт.

„Дали ова е случајност, клевета или уште еден доказ за тендерските шеми на истите поединци од ВМРО-ДПМНЕ?“, праша Огњеновиќ, додавајќи дека токму ваквите практики ја ставаат земјата „во група со Сомалија“ според перцепцијата за корупција.

Од СДСМ најавија дека Антикорупцискиот тим ќе продолжи со објавување информации и, како што рекоа, „работата не е завршена“. Засега нема официјален одговор од прозваните институции или компании на денешните обвинувања.