СДСМ: Обвинителството во служба на ВМРО-ДПМНЕ – Христовски заштитен од истрага

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Обвинителството во служба на ВМРО-ДПМНЕ – Христовски заштитен од истрага

30 мај 2025

• од Станча Јаќимовски

Јавното обвинителство повторно е под лупа на јавноста поради одлуката да ја отфрли кривичната пријава против директорот на Агенцијата за национална безбедност (АНБ), Бојан Христовски. Со ова, според критичарите, институцијата наместо да дејствува како независен чувар на правото, се позиционира како алатка во рацете на ВМРО-ДПМНЕ.

Суштинското прашање што го поставуваат граѓански организации и експерти е: зошто Обвинителството не побарало директен одговор од ETS – американската институција што ги издава меѓународно признаените ТОЕФЛ сертификати? Токму овој документ, кој се користел при назначувањето на Христовски за директор, е спорен, бидејќи, како што тврдат подносителите на пријавата, потекнува од студиото „Јулија“, за кое веќе има пресуди во други случаи поврзани со фалсификати.

Во изминатите години, неколку директори на јавни институции беа гонети и осудени за користење лажни ТОЕФЛ сертификати издадени преку истата јазична установа. Во тие случаи, Обвинителството постапило брзо и директно обезбедило докази од ETS. Зошто истото не се случи и во случајот со Христовски? Зошто мерилата се различни кога се работи за партиски кадар на ВМРО-ДПМНЕ?

Одговорите на овие прашања се клучни за довербата во правосудниот систем. Скандалозната неактивност или селективност на Обвинителството не само што ја поткопува правдата, туку и ја реафирмира перцепцијата за политичка контрола врз институциите – нешто што потсетува на „тефтерчињата“ од времето на Никола Груевски.

Со ваков пристап, пораката до граѓаните е јасна: со ВМРО-ДПМНЕ на власт, правдата е условена и селективна.