СДСМ обвинува: Илјадници работници без плата – Владата ја потценува македонската работничка класа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: Илјадници работници без плата – Владата ја потценува македонската работничка класа

24 април 2025

• од Вардарски

СДСМ остро реагира на, како што велат, сериозниот пропуст на актуелната влада предводена од ВМРО-ДПМНЕ во однос на редовната исплата на платите за вработените во државните институции.

„Не се работи само за културата – илјадници работници се оставени без плата“, се вели во денешното соопштение на СДСМ, од каде нагласуваат дека платите доцнат со недели, иако законскиот рок одамна е пробиен.

Партијата посочува дека освен вработените во културните установи, без плата се и вработените во Министерството за економија и во Државниот пазарен инспекторат.

„Ова не е само скандал – ова е кршење на основни работнички права и уривање на достоинството на македонскиот работник. Станува збор за целосна неспособност и незаинтересираност од страна на Владата“, стои во соопштението.

СДСМ ја обвинува власта за, како што велат, игнорантски однос кон работниците, прашувајќи кој ќе ја сноси одговорноста за ваквата состојба. Според нив, платата не е привилегија туку загарантирано законско право, а владејачките функционери „уживаат во луксуз додека обичниот работник преживува од трошки“.

Партијата дополнително истакнува дека животниот стандард е на историски минимум, цените и сметките постојано растат, а Владата упорно одбива да го разгледа барањето за покачување на платите. Тие нагласуваат дека македонскиот работник е најпотценет во целиот регион.

„Бараме итна исплата на сите неисплатени плати. Работниците не се бројки – тие се столб на општеството и нивниот труд и достоинство мора да бидат почитувани“, апелира СДСМ.