СДСМ обвинува: Полицијата на Тошковски во служба на политички прогон во Демир Хисар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: Полицијата на Тошковски во служба на политички прогон во Демир Хисар

09 август 2025

• од Станча Јаќимовски

СДСМ денеска остро реагираше на, како што велат, „бруталниот упад“ на полицијата во домот на директорката на СОУ „Крсте Петков Мисирков“ во Демир Хисар, Маја Лозановска. Според партијата, овој чин е уште една потврда дека во земјата повторно се враќа режимот.

Во соопштението се наведува дека акцијата на полицијата претставува пример за „политички притисок и незаконско разрешување на директорка на средно училиште“, со цел, непосредно пред избори, да се назначи партиски кадар на ВМРО-ДПМНЕ.

„Сега на граѓаните им е кристално јасно зошто беа направени измените на Законот за полиција и Законот за внатрешни работи кои ги спроведе Панче Тошковски – за целосна партизација на полицијата, политички прогон и злоупотреба во партиски цели,“ стои во соопштението.

СДСМ обвинува дека полицијата станува „продолжена рака на ВМРО-ДПМНЕ“, а жртви на таквото делување се граѓаните. „Денеска е директорка на средно училиште, утре некој друг,“ предупредуваат од партијата.

Партијата бара итно запирање на, како што го нарекуваат, „бруталниот притисок и незаконското разрешување“ на Лозановска, истакнувајќи дека законите мора да важат за сите подеднакво. Исто така, се бара одговорност од сите инволвирани во постапката и од оние кои ја ставиле полицијата во функција на политички прогон.