СДСМ обвинува за координиран напад од ВМРО-ДПМНЕ: Целта е замолчување на објавите за корупција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува за координиран напад од ВМРО-ДПМНЕ: Целта е замолчување на објавите за корупција

27 декември 2025

• од Станча Јаќимовски

Социјалдемократскиот сојуз на Македонија (СДСМ) обвинува дека е мета на координирана и организирана кампања за политичка дестабилизација, зад која, како што тврдат, стои власта предводена од ВМРО-ДПМНЕ. Според партијата, нападите се интензивирале откако Антикорупцискиот тим на СДСМ (АКТ) почнал да објавува сериозни докази за криминал и корупција поврзани со владини тендери.

Од СДСМ велат дека станува збор за „цела мрежа, еден октопод“, кој функционира синхронизирано и е насочен кон рушење на партијата одвнатре. Според нив, оваа кампања има јасна цел – да се запре јавното објавување на информации за злоупотреби на власта.

Обиди за дестабилизација преку поранешни функционери

Како дел од кампањата, СДСМ наведува дека јавноста во изминатиот период била сведок на координирани настапи на поранешни функционери. Најпрво, се појавиле медиумски изјави од поранешен висок функционер, по што следеле „наводни иницијативи“ од други поранешни членови кои, како што тврдат од партијата, никогаш јавно не се појавиле. Во кампањата, според СДСМ, се вклучиле и лица кои одамна не се дел од партијата и завршиле во други политички структури.

Сите овие активности, според СДСМ, се случиле истовремено со зајакнувањето на партиската опозиција и со објавувањето на доказите од страна на АКТ.

„Свеж доказ“ за медиумска координација

Како најнов пример за координиран напад, СДСМ го посочува случајот со поранешниот партиски функционер Јован Деспотовски. Според нив, по неговото неуспешно прво медиумско обраќање, кампањата продолжила преку авторски текст објавен во релевантен медиум.

„Само две минути по објавата, на познат портал беше објавен однапред подготвен и обемен текст на истата тема“, наведуваат од СДСМ, оценувајќи дека тоа укажува на претходна координација или директна соработка со уредништвото на порталот.

Неколку часа подоцна, истиот медиум објавил уште два текста, меѓу кои и целосна колумна во одбрана на Деспотовски. „Паниката ги натера да брзаат, а брзањето носи грешки“, порачуваат од СДСМ, додавајќи дека со ваквите потези се нарушува и угледот на медиумите.

Порака: Нема повлекување

Од СДСМ нагласуваат дека целта на оваа кампања е јасна – рушење на партијата и замолчување на критиките кон власта. Сепак, порачуваат дека нема да застанат.

„АКТ работи и сè ќе биде објавено. Нема повлекување. Вистината и правдата ќе победат“, порачаа од партијата.

СДСМ најави дека борбата против корупцијата продолжува, а јавноста ќе биде информирана за сите нови сознанија.

Прес-конференција на СДСМ, Петар Огњеновиќ, член на Извршниот одбор.