СДСМ обвинува за нов тендерски скандал во МВР вреден 4 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува за нов тендерски скандал во МВР вреден 4 милиони евра

25 мај 2025

• од Гоце Кически

Одделот за јавни набавки во Министерството за внатрешни работи (МВР), предводено од министерот Панче Тошковски, повторно се најде под лупа на јавноста. Опозициската партија СДСМ денеска на прес-конференција објави сериозни обвинувања за сомнителни тендери и можни злоупотреби со милионски суми на јавни средства.

Според партијата, станува збор за нов сомнителен тендер во вредност од речиси четири милиони евра, доделен на компании без релевантно искуство и капацитети за испорака на специјализирана полициска опрема. Портпаролката на СДСМ, Богданка Кузеска, истакна дека договори од значителни суми се доделувале на фирми кои, според нив, се блиски до центри на моќ поврзани со ВМРО-ДПМНЕ.

Како најилустративен пример беше наведена фирмата „Ле Бранд Дизајн“ од Битола, модно студио со двајца вработени и просечен годишен приход од околу 20.000 евра. Таа фирма добила тендер вреден повеќе од два милиона евра за изработка на специјални полициски униформи.

„До вчера шиеја фустани, денес треба да опремат специјални полициски единици“, рече Кузеска, оценувајќи го тендерот како очигледен пример за непрофесионализам и нетранспарентност.

Дополнително, според СДСМ, втората фирма која добила тендер, „Памитекс Тим“, е основана само 20 дена пред објавувањето на јавниот повик, нема веб-страница, ниту историја на јавни набавки. На неа ѝ бил доделен договор вреден 1.710.000 евра.

СДСМ тврди дека МВР ги елиминирало сите критериуми што би овозможиле правична конкуренција – не се барало претходно искуство, минимални приходи или проверка на капацитетите.

„Тендерот е шиење по мерка – ама не за полицијата, туку за партиските и бизнис интереси блиски до ВМРО-ДПМНЕ“, изјави Кузеска.

СДСМ побара итна реакција од Јавното обвинителство поради сомнежи за злоупотреба на службена положба, местење тендер и можно перење пари. Тие бараат поништување на тендерот и отпочнување на нова, транспарентна постапка со јасни и објективни критериуми.

Во отсуство на официјален одговор од Министерството или од самиот Панче Тошковски, овие обвинувања повторно ја отвораат дебатата за тендерските практики во институциите, особено во предизборен контекст кога се засилуваат критиките за злоупотреба на институциите во партиски цели.

Останува да се види дали и како обвинителството и надлежните органи ќе реагираат на ваквите сериозни тврдења за, како што СДСМ го нарекува, „нов доказ за системска корупција“.

Документи 1

Документи 2

Документи 3