СДСМ обвинува за политички прогон: „Власта ги постави своите судии и започна репресија“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува за политички прогон: „Власта ги постави своите судии и започна репресија“

31 декември 2025

• од Станча Јаќимовски

Опозицискиот Социјалдемократски сојуз на Македонија (СДСМ) денеска преку писмено соопштение упати остри критики кон актуелната власт, обвинувајќи ја за директна политичка репресија врз нивни партиски функционери преку, како што велат, нарачани судски пресуди.

Од СДСМ тврдат дека владејачката коалиција ВМРО-ЗНАМ ја започнала последната фаза од својата кампања, која според опозицијата подразбира политички прогон и злоупотреба на институциите. Како конкретен пример, од партијата ја посочуваат денешната пресуда против Филип Андонов, поранешен директор на затворот „Скопје“ во Шуто Оризари и член на Извршниот одбор на СДСМ.

„Ги поставија своите судии и обвинители и тргнаа. Нема повеќе независно судство ниту независно обвинителство. Сè ставија во своите канџи“, се наведува во соопштението на СДСМ.

Опозицијата обвинува дека додека судските институции, како што велат, експресно постапуваат против нивни членови, истовремено целосно се игнорираат пријавите за криминал и корупција кои СДСМ ги објавува во јавноста.

„По носењето на Декретот и забраната за слобода на говор со предавничката Резолуција, сведочиме на нарачани судски пресуди и законски казни исклучиво за функционерите на СДСМ“, додаваат од партијата.

Во соопштението понатаму се тврди дека додека, според нив, трае политичкиот прогон врз опозицијата, функционери од редовите на ВМРО и ЗНАМ се збогатуваат преку криминални тендери и сомнителни зделки.

Од СДСМ порачуваат дека ваквите притисоци нема да ги обесхрабрат и дека ќе продолжат со борбата против власта, но и против, како што наведуваат, структури кои одвнатре ја подриваат партијата.

„Никој нема да нè запре. Сите ќе одговарате! Работата не е завршена“, стои на крајот од партиското соопштение.