СДСМ: Падот на поддршката го натера Мицкоски да измислува сценарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Падот на поддршката го натера Мицкоски да измислува сценарија

24 август 2025

• од Станча Јаќимовски

Социјалдемократскиот сојуз на Македонија (СДСМ) со реакција на изјавата на премиерот Христијан Мицкоски, обвинувајќи го дека наместо да презентира резултати од својата работа, посегнува по измислени сценарија и поделби во пресрет на локалните избори.

„Нема резултати, затоа има лаги и конструкции“

Од СДСМ велат дека ако Мицкоски имал реални успеси после четири години локална власт и една година на чело на централната власт, денеска ќе зборувал за нив и ќе ги претставел како отчет пред граѓаните. Наместо тоа, според социјалдемократите, тој се служи со „измислени конструкции околу локалните избори“.

„Со истата стара реторика на поделби по политичка и етничка линија, Мицкоски повторно се обидува да ја излаже јавноста, исто како пред парламентарните избори во 2024 година“, велат од СДСМ.

„ВМРО-ДПМНЕ е прочитана книга“

Во соопштението се нагласува дека ваквиот настап повеќе не поминува кај граѓаните, бидејќи тие, според партијата, веќе не веруваат во „лажни сценарија и манипулации“.

„Мицкоски и ВМРО-ДПМНЕ се прочитана книга и граѓаните нема да подлегнат на истите лаги и манипулации“, се наведува во реакцијата.

„Власта е во паника“

Од СДСМ тврдат дека ваквите изјави на премиерот само потврдуваат дека власта е во паника поради падот на поддршката, како и поради стравот дека незадоволството на граѓаните ќе се одрази врз резултатите на локалните избори.

„Логично е прашањето: дали токму Мицкоски е тој што подготвува хаос на изборите?“, завршуваат социјалдемократите во својата реакција.