СДСМ: „Папаја за Владата – трошки за народот“ – Опозицијата ја обвини власта за манипулација со потрошувачката кошничка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: „Папаја за Владата – трошки за народот“ – Опозицијата ја обвини власта за манипулација со потрошувачката кошничка

12 април 2025

• од Гоце Кически

На денешната прес-конференција, потпретседателката на СДСМ, Кристина Костова, остро ја критикуваше најавената промена на начинот на пресметување на потрошувачката кошничка од страна на Владата, нарекувајќи ја мерката „срамна“ и „политичка манипулација“.

„Владата сака сама да пресметува колку чини животот, и да не убеди дека со 400 евра може да се живее. Ама без одмор, без кино, без театар. Само за храна и сметки – и тоа според некаква нивна листа на препорачани производи“, рече Костова. Таа иронично додаде: „За Владата – папаја, манго и аспарагус, за народот – трошки.“

СДСМ ја обвини владата дека со новата методологија сака да го замени постојниот модел на „минимална синдикална кошничка“ со нова, владино-креирана „просечна потрошувачка кошничка“, која ќе биде, како што велат од опозицијата, нереална и манипулативна.

„Нема веќе ‘мама, тато, дада и бато’, како што најавуваше премиерот во ПР настапите – сега семејството брои само тројца, само за да изгледаат подобро бројките“, додаде Костова.

Според СДСМ, целта на новата методологија е да се прикаже привиден раст на стандардот преку споредба со просечната плата, која редовно се објавува и расте побрзо, за разлика од минималната која се усогласува еднаш годишно. „Така ќе покажуваат ‘раст на стандард’, но само на хартија. Не и за граѓаните со минимална плата“, истакна Костова.

Партијата предупредува дека новата кошничка ќе ги игнорира трошоците за рекреација, култура и пристоен живот, и ќе се сведе само на храна и сметки. „Ова не е економска мерка. Ова е уште една навреда за интелигенцијата на граѓаните“, заклучи Костова.

СДСМ бара Владата веднаш да се откаже од, како што ја нарекуваат, „срамната и скандалозна намера“ за редефинирање на потрошувачката кошничка, со порака дека стандардот не смее да се мери со статистика, туку со реалниот живот на граѓаните.