СДСМ: Поради неспособноста на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Поради неспособноста на ВМРО-ДПМНЕ – државата ни гори

28 јули 2025

• од Станча Јаќимовски

Цела Македонија повторно е зафатена од огнени стихии, додека надлежните институции предводени од Владата на ВМРО-ДПМНЕ молчат и не преземаат ништо. Според Социјалдемократскиот сојуз на Македонија (СДСМ), токму поради неспособноста и незаинтересираноста на власта, изгореа над 20% од вкупната површина на шуми и пасишта во земјата – што е непоправлива штета за државата и граѓаните.

„Ова не е патриотизам, ова е предавство на сопствената држава. Владата на ВМРО-ДПМНЕ потфрли во секој поглед – во заштитата на имотот, природата и животите на луѓето.“, стои во реакцијата на СДСМ.

Од партијата предупредуваат дека повеќе од 100 активни пожари беснеат низ цела Македонија – во Берово, Радовиш, Василево, Прилеп, Македонски Брод, Крива Паланка, Зелениково, Карбинци, Куманово, Липково, Гостивар, Желино, Старо Нагоричане… Огнот не запира, а реакцијата на државата е срамно задоцнета или воопшто ја нема.

„Наместо координирана интервенција и решително делување, гледаме тотална неорганизираност. Граѓаните се оставени сами да се борат со пламените јазици. Општина Берово е пример – пожарот на планината Готен се шири, а само неколку пожарникари се борат без никаква реална поддршка од државата. Тоа е срамно и недозволиво“, велат од СДСМ.

Партијата посочува и дека секојдневно се ветува пристигнување на помош, но таа никако не се реализира. Општините како Берово се принудени сами да мобилизираат население и да бараат помош од соседни општини за да ги заштитат населените места, како Владимирово и Русиново, од заканата на огнот.

„Минатата година Христијан Мицкоски ветуваше ревизија и модернизација на системот за заштита од пожари. Денес гледаме целосна деградација на тој систем. Наместо нови противпожарни возила – се купуваат мобилни телефони за 7 милиони евра. Наместо авиони и пилоти – се троши на приватни летови, луксузни хотели, морска храна, папаја и манго“, обвинуваат од СДСМ.

„Не е патриотизам да оставиш имоти, шуми и пасишта да изгорат – тоа е предавство“, заклучуваат од партијата, повикувајќи на итна и суштинска реакција од страна на институциите и одговорност од власта.