СДСМ повторно обвинува за корупција во МВР – скандалозниот тендер од 4 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ повторно обвинува за корупција во МВР – скандалозниот тендер од 4 милиони евра

26 мај 2025

• од Гоце Кически

СДСМ излезе со нови обвинувања за сомнителен тендер доделен од Министерството за внатрешни работи под раководство на Панче Тошковски, овој пат вреден речиси 4 милиони евра. Според опозициската партија, случајот има сите карактеристики на, како што велат, „тендерска шема на ВМРО-ДПМНЕ“.

На денешната прес-конференција, портпаролката на СДСМ, Богданка Кузеска, посочи конкретни фирми кои, според неа, се пример за злоупотреба на јавни средства и системска корупција. Таа истакна дека договори со милионски износи се доделени на компании без искуство, без реални капацитети и без историја на учество во јавни набавки.

Како најсочен пример се наведува фирмата „Ле Бранд Дизајн“ од Битола, која според СДСМ, е модно студио со едвај 20.000 евра годишен приход и само двајца вработени, а сепак добила тендер вреден над 2 милиони евра за изработка на специјални полициски униформи.

„До вчера шиеја фустани, а денес треба да опремат специјални единици. Кој е овде наивен?“ – запраша Кузеска.

Другата спорна компанија, според СДСМ, е „Памитекс Тим“, регистрирана само 20 дена пред распишување на тендерот, без веб-страница и без транспарентност, но со добиен договор вреден 1.710.000 евра.

Според прес-конференцијата, МВР отстранило клучни критериуми што би овозможиле правична конкуренција – не се барало претходно искуство, ниту проверка на финансиски и технички капацитети на понудувачите.

СДСМ го повикува Јавното обвинителство итно да отвори постапка за сомнежи за злоупотреба на службена положба, местење тендер и можно перење пари. Дополнително, бара поништување на тендерот и отворање на нова, транспарентна постапка со јасни и објективни критериуми.

Додека ова е вторпат за краток период опозицијата да го прозива министерот Тошковски за сомнителни тендери, од ВМРО-ДПМНЕ и од МВР сè уште нема официјален одговор на најновите обвинувања. Одговорност и транспарентност се очекуваат, особено со оглед на сериозноста на тврдењата кои ги засегаат државните институции.

Во услови на слаба доверба во институциите и висока перцепција за корупција, ваквите обвинувања заслужуваат темелна истрага, не само за политичка дебата, туку и за заштита на јавниот интерес и јавните пари.