СДСМ: Пратениците на ВМРО-ДПМНЕ им го свртеа грбот на лозарите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Пратениците на ВМРО-ДПМНЕ им го свртеа грбот на лозарите

12 септември 2025

• од Станча Јаќимовски

Со гласањето против предлог-законот за изменување на Законот за вино, пратениците на ВМРО-ДПМНЕ денеска, според Социјалдемократскиот сојуз на Македонија, директно застанале против интересите на лозарите.

Предлогот на СДСМ

Предлог-законот, поднесен од пратеничката група на СДСМ, предвидуваше да се стави на дневен ред по скратена постапка и да се обезбеди дополнителна финансиска поддршка за лозарите од 3 денари по килограм грозје. Исто така, со законот требаше да се укине одредбата која овозможува 8% намалување на откупната цена.

„Ова е срамен и нечовечки однос кон 11.000 семејства кои егзистираат од лозарството“, стои во соопштението на СДСМ.

Иницијатива од лозарите

СДСМ објаснува дека законското решение било предложено по иницијатива на претседателот Венко Филипче и по барање на самите лозари, како одговор на нивните реални потреби во услови на ниски откупни цени и зголемени трошоци за производство.

Наместо директна поддршка за лозарите, според партијата, власта обезбедила субвенции од 2 денари по килограм грозје за винариите, оставајќи ги лозарите без посакуваната финансиска помош.

Ставот на СДСМ

„СДСМ и претседателот Венко Филипче остануваат на страната на лозарите. Ќе продолжиме да се бориме за нивните права, за фер услови и поддршка за секој лозар,“ порачуваат од партијата.