СДСМ предложи 80.000 евра обештетување за настраданите во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ предложи 80.000 евра обештетување за настраданите во Кочани –ДПМНЕ го одби законот

15 мај 2025

• од Вардарски

Во македонското Собрание, парламентарната група на СДСМ и коалицијата поднесоа Предлог-закон со кој се предвидуваше сеопфатна и праведна поддршка за жртвите, преживеаните и семејствата настрадани во трагичниот настан во Кочани на 16 март, кога животот го загубија 62 лица, а над 200 беа повредени. Но, законот беше одбиен од страна на пратениците на ВМРО-ДПМНЕ.

Од СДСМ велат дека со тоа опозицијата свесно ги ускрати семејствата од правична и заслужена помош, и ги посочуваат конкретните мерки што биле предвидени со законот:

Еднократна финансиска поддршка од 80.000 евра за секое семејство на починат, како надомест за душевна болка и нематеријална штета.
Финансиска поддршка за повредените, во износ од 1.200.000 до 5.000.000 денари, во зависност од степенот на инвалидитет.
Покривање на трошоци за лекување, како хируршки интервенции, психолошка рехабилитација, лекови, помагала, сместување и транспорт – и дома и во странство.
Образовна поддршка за ученици и студенти: онлајн настава, ослободување од приемни и матурски испити, како и стипендии до крајот на нивните студии.
Платено отсуство од најмалку шест месеци за родители на повредени деца, со можност за продолжување по лекарска препорака.
Скратено работно време до една година за родители во приватниот сектор, со покриени придонеси од државата.
Психосоцијална и правна помош за повредените и за семејствата на загинатите, најмалку во времетраење од една година.
Домашна нега и поддршка од социјални работници за лицата кои добиле инвалидитет како последица од трагедијата.
Државна поддршка за преквалификација и самовработување за повредени кои не можат да се вратат на своите претходни работни места.
Можност за адаптација на домот и набавка на возило за лицата со траен инвалидитет.
Формирање на независна Комисија за проценка и следење, составена од стручњаци, претставници на институции и членови на семејствата на жртвите.
Проширување на примената на законот и за претходни трагедии со македонски граѓани – Ласкарци (2019), Тетово (2021), и автобуската несреќа кај Струма во Бугарија (2021).

СДСМ посочува дека овој закон претставувал чин на општествена одговорност, човечност и поддршка кон најтешко погодените, но со неговото одбивање, ВМРО-ДПМНЕ испратиле порака дека не се на страната на граѓаните во време на криза. Партијата најави дека ќе продолжи да се залага за системска грижа и солидарност со сите кои се соочуваат со трагедии.