СДСМ: Рецепт за лага од кујната на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Рецепт за лага од кујната на ВМРО-ДПМНЕ – „Гответе со Мицкоски“

03 декември 2025

• од Станча Јаќимовски

СДСМ остро реагира на најновите дезинформации и лажни наративи што доаѓаат од политичката кујна на ВМРО-ДПМНЕ и нивниот лидер Христијан Мицкоски. Наместо со идеи и визија, ВМРО-ДПМНЕ повторно се служи со застарени рецепти базирани на лаги, манипулации и фабрикувани обвинувања.

Овој пат, нивната политичка креација го носи насловот: „Гответе со Мицкоски – ИПАРД каша“, рецепт што се подготвува со години во Белата палата.

🔹 Состојките на лагата се добро познати:

Еден Зоран Заев – зачинет со реформи, влез во НАТО и почеток на преговори со ЕУ
Еден Венко Филипче – свеж и успешен, па потребно е да се „зачини“ со измислици
Неколку роднини – секогаш добредојдени во рецептите на ВМРО-ДПМНЕ
Прстофат поранешен министер од СДСМ – за вкус на конфузија
Многу лаги и дезинформации – задолжителни за да „не изгори“ кашата

Сето тоа се динста на тивок оган со години, сè додека не се приближат изборите. Потоа, се зголемува температурата на максимум – секојдневни обвинувања, лажни вести, насочени кампањи. Целта е една: да се замати јавноста, да се заборави вистината, да се изманипулира народот.

🔹 Вистината за ИПАРД фондовите:

ИПАРД е европски фонд. Станува збор за средства што директно доаѓаат од буџетот на ЕУ и се распределуваат според строги и ригорозни правила.

За да се добие ИПАРД поддршка, земјоделците прво ги вложуваат сопствените пари, реализираат проекти (купуваат механизација, градат објекти, модернизираат фарми) и дури потоа добиваат поврат од фондот, ако сè е според европските критериуми.

Овие лаги што ВМРО-ДПМНЕ ги готви не само што ја потценуваат интелигенцијата на граѓаните, туку и ја загрозуваат довербата кон европските фондови и институции.

🔹 Кој лаже, тој и краде

Наместо да понуди реални решенија за државата, ВМРО-ДПМНЕ и Мицкоски остануваат верни на рецептите на нивниот ментор Никола Груевски – шеф со 5 ѕвезди во кражби и манипулации.
Кога ЕУ дознава за „малите тајни“ на луѓето блиски до ВМРО-ДПМНЕ, нивниот одговор е класичен: апсат некој спореден, за да се заштити главниот готвач.

🔹 Граѓаните се уморни од „кулинарски лаги“

СДСМ порачува: доста беше со каши и манипулации. Време е за вистината, за одговорност, и за европски вредности.

Апелираме до граѓаните: не дозволувајте да ве хранат со лаги. Време е готвачите од Белата палата да заминат од кујната – еднаш засекогаш.

СДСМ останува на страната на вистината, отчетноста и европската иднина на Македонија.

Соопштение на Социјалдемократски сојуз на Македонија