СДСМ: Само 26% реализација на капитални инвестиции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Само 26% реализација на капитални инвестиции – Власта е тотално неспособна

08 август 2025

• од Станча Јаќимовски

Според најновото соопштение на Социјалдемократскиот сојуз на Македонија (СДСМ), Владата предводена од ВМРО-ДПМНЕ, ВЛЕН и ЗНАМ бележи катастрофално ниска реализација на капиталните инвестиции – само 26 проценти во првите шест месеци од годината.

Од СДСМ истакнуваат дека оваа бројка не е само разочарувачка, туку и алармантен показател за целосна институционална неспособност и промашени економски политики на новата власт.

„Со ваква мизерна реализација, Македонија не може да напредува. Капиталните инвестиции се еден од клучните двигатели на економскиот раст, а ваквиот пад повлекува сериозни последици врз целокупната економија“, наведуваат од партијата.

Според нивната анализа, во истиот период од 2023 и 2024 година, кога на власт беше СДСМ, реализацијата на капиталните инвестиции изнесувала над 60 проценти. Тоа, велат, претставува јасен контраст и директен доказ дека со ВМРО-ДПМНЕ економските показатели остро се влошуваат.

Дополнително, СДСМ ја обвинува актуелната власт за ненаменско трошење на средствата што се обезбедуваат преку нови задолжувања. Според нив, наместо да се користат за конкретни проекти, парите се користат за „покривање на буџетски дупки“, што претставува неодговорно управување со јавните финансии.

Партијата ја прозва и министерката за финансии, Гордана Димитриеска-Кочоска, која во март годинава се обиде да ја оправда ниската реализација со „студеното време во јануари и февруари“. СДСМ прашува дали и во август, кога температурите се високи, повторно времето ќе биде изговор за неспособноста на Владата.

„Со ВМРО-ДПМНЕ и Христијан Мицкоски, македонската економија тоне, граѓаните имаат сè помалку пари, животниот стандард опаѓа, а сиромаштијата расте“, порачуваат од СДСМ, повикувајќи на итна промена на политиките и одговорност од власта.