СДСМ: Северна Македонија е следната дестинација за мигранти по Албанија и Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Северна Македонија е следната дестинација за мигранти по Албанија и Косово

11 декември 2025

• од Станча Јаќимовски

Опозициската партија СДСМ тврди дека Северна Македонија се наоѓа на листата земји во кои би можеле да се сместуваат мигранти вратени од Велика Британија и други држави, по примерот на Албанија и Косово. Во нивното соопштение, партијата предупредува дека меѓународни медиуми веќе објавуваат анализи и информации за воспоставување на т.н. „центри за враќање мигранти“ на територијата на Балканот.

Според СДСМ, Косово било првата држава што се согласила да прими мигранти кои Велика Британија одбила да ги задржи. Албанија, велат од партијата, веќе се согласи да отвори центри за прием на мигранти од Италија. Тие потсетуваат на извештајот на „Дојче Веле“, објавен пред пет дена, во кој се наведува дека околу 40 мигранти биле транспортирани со воен брод во придружните центри во Албанија, каде што ќе останат сѐ додека не бидат депортирани.

Во истото соопштение, СДСМ обвинува дека македонската Влада договорила финансиски надомест од 20.000 фунти по мигрант, како и можност за нивно вклучување во домашниот пазар на труд, особено во градежниот сектор. Според партијата, ова би значело и долгорочно сместување на мигранти во државата.

„Ова е вистината. Дали лаже светската јавност? Дали лаже СДСМ? Лаже Владата на Мицкоски“, стои во нивното соопштение. Од опозициската партија дополнително тврдат дека државата се соочува со финансиски недостаток од еден милијард евра и дека токму поради тоа Владата се обидува да обезбеди заем од шест милијарди евра, прифаќајќи обврски поврзани со мигрантите.

СДСМ нагласува дека граѓаните се против, како што велат, „антидржавните и антинародните политики“ на ВМРО-ДПМНЕ и порачуваат дека јавноста јасно кажува „НЕ“ за прием на мигранти и „НЕ“ за ризици по безбедноста на државата.

Досега од Владата не е изнесена официјална реакција со која се потврдува или негира ваков договор, а јавноста очекува прецизни информации за сите наводи кои ги изнесе опозицијата.