СДСМ: Скандалозно лажење на Владата – ја префрла одговорноста на вработените, зар тие јаделе на државна сметка?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Скандалозно лажење на Владата – ја префрла одговорноста на вработените, зар тие јаделе на државна сметка?

02 мај 2025

• од Гоце Кически

СДСМ излезе со остро соопштение во кое ја обвинува Владата за, како што велат, скандалозно лажење и обид да ја префрли одговорноста врз вработените во министерствата, откако во јавноста се појавија информации дека владините министри потрошиле над 30.000 евра во ресторани во Скопје.

„Шокантен е одговорот на Владата по објавувањето на овие сметки“, наведуваат од СДСМ. „Владата тврди дека тоа биле сметки од бифињата во министерствата, а не сметки за ручеци на министрите. Но, прашањето е – колку вработени навистина јаделе и пиеле на државна сметка? Или се работи само за министрите и нивните кабинети?“

СДСМ бара Владата итно да ги објави фактурите и деталните сметки за да се утврди вистинскиот извор на трошоците. „Дали овие сметки се направени од вработените или, пак, од министрите кои трошеле по кафеаните?“ – прашуваат тие.

Партијата исто така го обвинува ВМРО-ДПМНЕ дека се „одлепиле од реалноста“, потсетувајќи на претходниот скандал со наводното трошење 35.000 евра на егзотично овошје како манго и папаја. „Сега гледаме како трошат и по рестораните за ручеци и гозби. Ако се чесни, нека излезат во јавноста со сите детални сметки“, порачуваат од СДСМ.