СДСМ со целосна поддршка за зголемување на минималната плата на 500 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со целосна поддршка за зголемување на минималната плата на 500 евра

10 август 2025

• од Станча Јаќимовски

СДСМ јавно ја изразува својата целосна поддршка на синдикатите за зголемување на минималната плата на 500 евра, истакна потпретседателот на партијата Методија Илиевски. Според него, ова не е само барање на работниците, туку неопходна мерка за олеснување на тешкиот живот на многу македонски семејства.

„Економските податоци се поразителни – инфлацијата изнесува 4,8%, што значи дека граѓаните имаат помалку пари во џебовите и живеат потешко. Цените растат, платите стагнираат, стандардот опаѓа,“ рече Илиевски, обвинувајќи ја актуелната власт на ВМРО-ДПМНЕ, ВЛЕН и ЗНАМ за неспособност да го подобри животниот стандард.

Од СДСМ велат дека додека функционерите на власта се занимаваат со „луксузни патувања, приватни авиони и скапи возила“, граѓаните се соочуваат со високи цени, ниски плати и неизвесна иднина. Партијата ја обвини владата дека нема план ниту економска политика, и дека ги игнорира барањата на синдикатите за поголеми плати и мерки против растот на цените.

„Веќе еднаш ги поднесовме законските измени за поголема минимална плата, но ВМРО-ДПМНЕ ги одби. Нема да се откажеме – повторно ќе го поднесеме законот за минимална плата од 500 евра,“ порача СДСМ, додавајќи дека ќе се види кој ќе гласа „за“ граѓаните, а кој ќе им сврти грб.

Партијата најавува продолжување на борбата за зголемување на платите во сите сектори и обезбедување достоинствен живот за сите работници.