СДСМ со критики: Македонската економија тоне, Мицкоски фантазира за „четврта економија во Европа“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со критики: Македонската економија тоне, Мицкоски фантазира за „четврта економија во Европа“

18 јули 2025

• од Станча Јаќимовски

Со остра реакција излезе СДСМ обвинувајќи ја Владата предводена од Христијан Мицкоски за тешка економска и енергетска криза во државата, обвинувајќи го премиерот за „лажни ветувања“ и „луксузирање додека народот страда“.

Во партиското соопштение, СДСМ оценува дека Македонија тоне во економски колапс, додека Мицкоски „фантазира“ за тоа дека земјата ќе биде четврта економија во Европа, пред земји како Исланд, Ирска, Данска и Норвешка.

„Во држава каде што повеќе од 55% од населението не може да си дозволи седумдневен одмор, премиерот зборува за економски успеси кои постојат само во неговите замисли“, се наведува во соопштението, повикувајќи се на податоци од репрезентативни синдикални истражувања.

СДСМ посочува на низа економски проблеми – растечка инфлација која, според нив, ги топи домашните буџети, катастрофални откупни цени за земјоделците, намалени или недостапни субвенции, и колапс во индустриското производство. Партијата посебно го истакнува случајот со рудникот „Тораница“ кој е пред затворање, нефункционалноста на РЕК Битола, како и ниското ниво на водата во хидроенергетските капацитети.

Критики има и за состојбата со капиталните инвестиции, кои во третиот квартал, според СДСМ, достигнале историски минимум од 26%, без индикации за подобрување во четвртиот квартал. Партијата тврди и дека државата нема средства во трезорот, ниту се враќа ДДВ на даночните обврзници.

Дополнително, СДСМ обвинува дека Мицкоски го задолжува народот за нови 8 милијарди евра, иако, како што велат, тврди дека „немало дополнителни задолжувања“. Во соопштението, Мицкоски е наречен „османлиски бег“ кој се луксузира додека граѓаните се борат за егзистенција.

„Македонија е пред сериозен економски колапс, а Мицкоски гледа да приграби што може, лажејќи го народот со лажни ветувања“, се вели на крајот од соопштението на СДСМ.