СДСМ со жестока реакција: Судството сè уште контролирано од „тефтерчињата“ на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со жестока реакција: Судството сè уште контролирано од „тефтерчињата“ на ВМРО-ДПМНЕ

17 мај 2025

• од Вардарски

Со остра реакција излегоа од СДСМ по прес-конференцијата на пратеникот од ВМРО-ДПМНЕ, Бране Петрушевски, обвинувајќи го него и неговата партија дека не направиле ништо за реформите во правосудството и дека токму нивни кадри и натаму го контролираат судскиот систем.

„Бране Петрушевски, кој не знае ништо друго освен да држи прес-конференции и да глуми опозиција, треба да знае дека сите судии кои денес се дел од судскиот систем се од ‘тефтерчињата’ на неговите партиски поранешни функционери“, велат од СДСМ.

Според нив, ВМРО-ДПМНЕ е партијата што ги вовела измените во казнената политика, со кои се намалени казните, алудирајќи на закон инициран од поранешниот министер за правда Михајло Маневски. „Затоа ВМРО-ДПМНЕ треба да молчи и да не глуми загрижена опозициска партија“, додаваат од партијата.

Од СДСМ нагласуваат дека во речиси една година власт, ВМРО-ДПМНЕ не спровела ниту една реформа во судството. Како единствени „резултати“ ги посочуваат изборот на сопругата на градоначалник од редовите на ВМРО-ДПМНЕ во Судскиот совет, како и изборот на роднина на коалицискиот партнер Изет Меџити за судија.

„Цела година Бране Петрушевски само држи партиски прес-конференции, се заканува од говорница, а неговата Влада нема реализирано ништо по ова прашање“, стои во соопштението.

СДСМ побара од Петрушевски да одговори како обвинителот, кој порано бил таргет на обвинувања од страна на ВМРО-ДПМНЕ, сега одеднаш станал прифатлив. Партијата го потсети и лидерот Христијан Мицкоски на неговите изјави за распуштање на судските институции, што подоцна не се реализираа.

„Нека одговори конкретно на овие важни прашања и нека сфати дека се на власт и дека пред себе имаат јасна агенда за реформи – која не ја спроведуваат“, порачуваат од СДСМ.

Оваа најава доаѓа во време на сè поголем притисок врз владејачката коалиција да покаже конкретни резултати во борбата за независно и ефикасно правосудство.