СДСМ: Тате-бате-сине системот ги гуши институциите и ја поттикнува емиграцијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Тате-бате-сине системот ги гуши институциите и ја поттикнува емиграцијата

08 февруари 2025

• од Гоце Кически

СДСМ остро ја нападна ВМРО-ДПМНЕ, обвинувајќи ја дека ја претвора државата во приватна компанија за партиски и семејни вработувања. Според опозицијата, овој систем на „тате-бате-сине“ непотизам ги гуши можностите за младите и квалификувани луѓе во земјата, кои се приморани да бараат подобар живот надвор од Македонија.

„ДПМНЕ предводена од Христијан Мицкоски создава дрзок и непотистички систем, каде што фамилијарните и партиските врски се поважни од способностите и квалификациите,“ стои во објавата на СДСМ. Опозицијата како пример го истакнува семејството Андоновски – Љупчо Андоновски како советник, Игор Андоновски како началник, и Стефан Андоновски како министер, алудирајќи дека државните функции се узурпирани од блиски до власта.

Според СДСМ, владеењето на ВМРО-ДПМНЕ директно го поттикнува иселувањето на младите, кои, поради недостаток на еднакви шанси и перспективи, ја напуштаат земјата. „Додека партиските функционери ги вдомуваат своите семејства во институциите, младите и образованите луѓе остануваат без можности за достоинствен живот,“ изјавија од опозицијата.

Ова, според нив, претставува системска неправда која ја убива надежта за иднината на младите генерации и го подрива развојот на економијата и институциите. СДСМ предупредува дека ваквата пракса сериозно го поткопува и кредибилитетот на државните органи.

„Доста е од партиска диктатура и непотистички систем кој ги гуши талентите во земјата. Младите заслужуваат правда, еднаквост и можности,“ потенцираат од СДСМ, повикувајќи на промени кои ќе создадат систем базиран на меритократија и транспарентност.

Опозициската партија најави дека ќе продолжи да ги разобличува, како што велат, „скандалозните практики на ВМРО-ДПМНЕ“ и ќе се залага за реформи кои ќе ги вратат довербата и надежта кај граѓаните.