СДСМ: Тошковски да не ги штити своите началници – За трагедијата во Кочани мора да има одговорност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Тошковски да не ги штити своите началници – За трагедијата во Кочани мора да има одговорност

23 април 2025

• од Вардарски

Поминаа 38 дена од трагичниот настан во Кочани, но јавноста сè уште чека одговорност и правда. Наместо транспарентна и сеопфатна истрага, граѓаните се соочуваат со молк и селективност во постапките на надлежните органи. Сѐ повеќе се поставува прашањето – дали институциите, предводени од кадри блиски до ДПМНЕ, намерно ги прикриваат пропустите на високите полициски функционери?

На 16 март 2025 година, денот на пожарот што ја потресе Кочани, во објектот присуствувала полицијата. Според јавно достапните информации, тие забележале присуство на малолетници, пиротехнички средства и значително голем број луѓе. И покрај тоа, ништо не било преземено. Седум полициски функционери – командири, началници и нивни заменици – имале законски обврски за безбедноста на настанот. Но, не реагирале.

Овие пропусти не се само административни. Тие чинат животи. Секој кој имал моќ да спречи трагедија, а не ја искористил, мора да понесе одговорност.

Зошто началничката на ОВР Кочани, Марија Цветковска Маневска, сè уште не е повикана во истрагата, иако била директно одговорна за безбедноста во градот? Зошто не е испитан Томо Донев, началникот на криминалистичката полиција во Кочани? Каде е одговорноста на Сашо Тасев, началникот на СВР Штип и раководителите на крим-полицијата во Штип?

Овие прашања не добиваат одговор, што буди сериозни сомнежи во јавноста дека се работи за свесна заштита на функционери поставени од министерот Панче Тошковски. Ако истрагата навистина има цел да ја открие вистината и да донесе правда, тогаш не смее да биде алатка за политичка селективност и прикривање на одговорноста.

Министерот Тошковски мора да покаже интегритет – доколку не е подготвен да дозволи објективна и непристрасна истрага, треба да поднесе оставка. Само така може да се воспостави доверба кај граѓаните дека правдата е достижна за сите, без разлика на функцијата или политичката припадност.

СДСМ ќе продолжи да се залага за целосна, правична и транспарентна истрага. Болката на семејствата кои изгубија најблиски не смее да биде продлабочена со селективна правда – затоа што селективната правда е најголемата неправда.

За Кочани мора да има одговорност. Мора да има правда.