СДСМ: Тошковски живее во паралелен свет – Македонија никогаш не била понебезбедна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Тошковски живее во паралелен свет – Македонија никогаш не била понебезбедна

17 јули 2025

• од Станча Јаќимовски

Со жестока реакција се огласи СДСМ по изјавата на министерот за внатрешни работи, Панче Тошковски, дека Македонија денес е побезбедна отколку пред две години. Од партијата порачуваат дека министерот живее во паралелен свет, додека реалноста што ја чувствуваат граѓаните е сосема поинаква – Македонија никогаш не била понебезбедна.

„Целосен распад се случува на безбедносниот апарат под водство на Тошковски. Тој ветуваше правда и ред, а денес сведочиме на состојба која наликува на јужноамериканско гето“, стои во соопштението на СДСМ.

Партијата потсетува на бројни случаи на насилство и криминал кои ја обележале изминатата година – повеќе од 25 убиства и обиди за убиства, секојдневни тепачки, сообраќајки и криминални пресметки. Според нив, граѓаните живеат во страв, а улиците се претворени во зони на опасност.

„Само во Скопје, за десет месеци, на пешачки премини загинаа преку 11 луѓе. Имавме случај каде човек беше прегазен со мотор пред својот дом. Тоа не е безбедност – тоа е безредие“, велат од СДСМ.

Партијата дополнително обвинува дека косовската граница е претворена во канал за бегство на криминалци, без контроли и надзор, додека полицијата не реагира ниту кога има отворени закани врз јавни личности – како што беше случајот со заканите кон градоначалничката на Скопје, кои се случиле пред очите на полициски службеници.

„Министерот ветуваше дека 'брат да му е – ќе одговара', но денеска никој не одговара. Истрагите тапкаат во место, убиствата не се расветлуваат, а последниот случај во Батинци повторно го потврдува хаосот – убиецот е во бегство.“

СДСМ порачува дека Министерството за внатрешни работи под водство на Тошковски се претворило во хаотична и неспособна институција, која не само што не обезбедува сигурност, туку и дополнително го зголемува чувството на несигурност кај граѓаните.

„Наместо да понесе одговорност за катастрофалната состојба, Тошковски се обидува да ги убеди граѓаните дека сè е во ред. Но реалноста го демантира – ова не е безбедност, ова е неуспех“, се заклучува во соопштението на СДСМ.